聚聚 (已結業)

土瓜湾自从有地铁站之后，交通方便了很多，今日去土瓜湾见一个好耐冇见嘅朋友，朋友介绍去了UPLACE「聚聚」食晚饭。餐前免费送咗一小杯椰子汁😋仲可以影一张即影即有照片，真系一个最旧嘅好地方，真系好贴心。二人套餐「鱼米之聚」都几多嘢食，流心双色皮蛋伴芥末沙律花枝卷，芥末酱配花枝卷好夹，双色皮蛋出奇地好味，估唔到姜加皮蛋系咁好食。鸡枞菌凤尾虾蘑菇汤，有一只大虾，蘑菇汤又香又浓。泰露笋松露炒带子，炒带子用杯上台非常精致，带子弹牙，芦笋爽口。尝聚有米鱼，龙虾汤配全条鱼，脆米饭放入汤里面变成汤饭，有啲食饭焦嘅口感，够特别，龙虾汤渗入饭里面更加好食，鱼片食得方便，喜欢食鱼头嘅就应该更加开心。养生药膳酥皮鸡，超大块酥皮包住下面是红枣当归川芎鸡，咁冻嘅天气啱晒可以补下，鸡肉又滑又林，朋友话啲鸡油送饭可以食两碗饭。之后仲有杏汁杞子浸豆苗，姜米蛋白蟹肉炒饭，虽然呢个叫做二人套餐，但我觉得份量三个女仔食应该都够。最后唔少得甜品汤丸雪梨炖桃胶，够晒清润。