名煌金閣

营业中

休息中

家附近既名煌金阁系做手工精品粤菜， 坚持以往传统工序及手艺！所以好多款式都系由心而发！绝对系诚意之作。Menu多款选择！店员推介鱼米之乡，系用上沙巴龙趸做主角，再配上鱼汤，米通一齐食！主角沙巴龙趸非常肥美，而且又够厚身！肉嫩又够鲜味，鱼汤呈奶白色！阵阵鲜味涌出黎，一饮想再饮！ 齿颊留香。蛏子皇，用了金银蒜粉丝蒸做法！蒜粒非常浓郁！粉丝吸哂味！ 蛏子皇够厚身又够大条！质感爽爽弹弹，非常新鲜滋味无穷。Xo酱炒虾球，虾球够爽身又弹牙， 浓郁嘅xo酱作调味！所以食出好惹味既感觉，又炒得好够镬气，配菜既西芥都炒到入哂味！好好食，浓味得黎又唔会过咸。生磨蛋白杏仁茶都系餐厅拿手甜品！好清又够香而且仲非常滑嫩，半溶蛋白增加水嫩口感， 渐渐散发出杏仁茶嘅香，超正！还有见到将会到嘅母亲节有几个新嘅套餐！更加抵食，非常吸引！