新竹園軒

营业中

休息中

今日嚟到呢间酒家系少有保留鱼翅菜式嘅餐厅。当中午市嘅红烧鸡丝翅 优惠只系卖$48一碗。以往香港经济起飞嘅年代，有人用鱼翅浪口，又鱼翅捞饭呢啲招积食法，今日我都可以系度试得到。虽然只是$48但系一样足料，汤羹火腿味十足，鱼翅份量都唔少。𢳂一啖系蛋白叉烧炒饭一齐食，火腿味加重炒饭嘅味道，再加上湿润嘅口感，味道的确系非常之唔错。午市都系做饮茶点心，灌汤饺现时都少见。元贝带子饺内馅有带子有虾肉，味道鲜味爽弹。另外紫椰虾春卷都好食，如果想食肠粉可以试吓脆皮金沙虾肠，其实系用肠粉包住紫椰虾春卷，仲多一层口感。