樂湯雞麵館 (登龍街) (已結業)

环境4分：中式小厨格局，楼面OK高，内墙贴左几幅招牌菜直接介绍，D木枱櫈有怀旧风味，唔算迫，可以畀四分。卫生4分：每枱都有胶板隔开，非常卫生，枱櫈完全冇黐立立，四分。服务5分： 侍应生快手快脚，唔啰嗦，上菜爽手，满分。味道5分：1)    砂锅花胶鸡汤翅（半只）成个砂锅上枱热辣辣出晒烟起晒泡，近少少都感受到一百度热力。入面D花胶大大块，白雪雪，好滑同好有口感，鱼翅份量都算多，两百几蚊有半只鸡食，仲要系大大只鸡，Ｄ鸡皮好滑，鸡肉好厚，Ｄ鸡味落晒落个汤度，所以D汤好浓郁，食晒半只鸡非常饱肚。2)    砂锅花胶鸡汤翅配上米线一模一样一上枱超级热辣辣，卜卜卜卜，Ｄ米线好滑，份量好多，有两大块花胶，鱼翅同鸡件，个汤一样咁浓。再加配花胶鱼翅饺，每粒大大只，皮薄，入面D猪肉新鲜，仲有Ｄ好脆嘅木耳，所以食得好爽。抵食5分：百几二百蚊可以食齐花胶鱼翅同咁多鸡肉，性价比非常高，非常抵食，一定满分。