魚事者 (鴻達樓) (已結業)

最近系旺角上完堂肚饿经过一间Tiffany Blue个名又玩食字既外卖小食店【鱼事者】就试下。佢地唔只装修特别，连食物都好特别。主打鱼肉制品，连“薯条”同面都系鱼肉做。 又香又臭蒜油鸡翼鱼面捞：超级香浓蒜味，大蒜控超爱。鸡翼炸得超级香脆，就算外卖到屋企都仲脆，而且个蒜蓉酱好正好creamy，好浓！鱼面捞蒜味就少D，不过口感弹牙，又可以中和返鸡翼既味。过瘾咖喱汁饺子鱼面捞（半份）：咖喱汁都偏辣，不过搭配鱼面又几岩key，辣得过瘾。饺子系炸过，几香脆。 蒜你识捞香滑肠粉：好大份肠粉，D蒜蓉豉油都系铺头自己调配，非常特别，唔会好咸、蒜香味浓，食唔停口。 我要晒小食拼盘（炸鱼狗肠+双拼烧卖+咖喱鱼兵团）：双拼烧卖系原味同芫茜味道、非常好食，一D都食唔出芫茜味。酱汁加左秘制豉油同咖喱汁，好香。咖喱鱼兵团都几得意，不过炸鱼狗肠就逊色少少。 炸鱼无薯条：有D似炸鱼蛋片，新鲜炸起非常香脆。另外加左个黑松露酱，又增添另外一种风味。 另外新年期间仲有得订购自家制椰汁年糕。