安利大排檔 (已結業)

安利鱼蛋粉都算系筲箕湾名物，住喺港岛区嘅人绝对唔会陌生，亦都算系男朋友嘅童年回忆。安利有两间，出自同一家族，各有捧场客，我地平时都系去开旧店（安利鱼蛋粉）~不过今次人多，等位可能等到傻仔，我地时间有限，见呢边客人少啲，就过黎大排档食。但放心，就算有位都一样迫过搭地铁，食完未落格就要起身走人，女朋友食左十几分钟，嬲爆爆咁…切腩鱼片头捞粗 $44每次例牌必点~粗面用酱油捞过，味道呛口，其实几好食。切腩略嫌偏瘦，食落有少少柴，幸好够腍身，唔会有渣。至于鱼片就太腍，唔够爽口弹牙，仅仅合格。鱼蛋河 $30鱼片同上，都系腍bat bat。反而白鱼蛋比较好，起码有番少少弹牙感，有鱼鲜味，不错。河粉，够滑唔粗，早知食斋河算，哈。整体上都系旧店安利鱼蛋粉好食啲，店内地方大啲，会坐得松动少少。招呼方面就两间差不多，唔会好得去边，周末黎亲都大排长龙，等唔等自己谂。