長洲張記

营业中

休息中

依然系长洲之旅~同朋友踩单车踩到饿饿地，又想留肚食海鲜，于是去左好就脚既张记下午茶。佢既旧式装修，令人更加期待佢既美食。入面贴左好多剪报，见d报纸讲到咁正，一于叫碗鱼蛋米同墨丸米，睇下系唔系真系咁坚先。鱼蛋米:第一次食鱼蛋米有炸鱼蛋，不过好似.......冇料既?! 鱼蛋同鱼片就冇咩特别，好普通，冇话食入口觉得特别好食既感觉。汤底偏咸，而且冇咩鲜味，佢咸得黎比较味精= =......，食到一半已经好想饮野...........不过就好够热，因为佢够热，所以拉返好多分。墨丸米:偷左朋友两粒墨丸同埋饮左两啖汤，汤同鱼蛋米o个个一d分别都冇(当然正常都应该系冇分别既= =......)，不过佢o个d墨丸几好食，大大粒，中间有少少墨鱼肉ga!仲有都几鲜甜，唔系一啖一口粉既街市墨丸黎。唔错！如果唔觉意经过又饿饿地都可以一试ga，不过我就唔会专登黎食喇。