組長日式放題 (已結業)

知道組長放題依家有魚蝦蟹骰盅玩，所以即刻黎玩下，碰碰運氣！一嚟到即刻見到人中咗圍骰，波士頓龍蝦即刻送上😍😍可惜我運氣就冇咁好喇，兩個人去可以有三次機會玩，最後就揀其中一樣禮物，我哋中左兩條魚，所以就揀咗拖羅壽司一客！兩個人去會送一個打邊爐，揀咗北海道海膽花膠鍋！如果四位以上去啊，仲有得任點火鍋配料添！不過唔好睇小佢送果個火鍋，原來配料都幾多下！又有菜又有四隻蝦又有青口~~加＄38就可以點埋極上點餐紙，有鵝肝多士、珍寶蝦刺身、皇帝蟹腳等等！室內環境都幾舒服，仲有好多唔同甜品可以揀！