漁之部屋 (已結業)

       新都城本来都有好几间寿司刺身店，但市场现实，汰弱留强。啱啱结业嘅寿司舖，转眼装修完又开日式食肆，仲要系将军澳从未开过嘅日式放题。一见有鱼生任食，梗系去试吓佢实力。         放题于唔同时段收费略有不同，但段段时间都人头涌涌。餐厅装修简约干净光猛，以木色做主调。放题食物选择颇多，啲点菜纸都有十几项。😳       刺身并盘一坐低梗系嗌刺身先，上枱时眼前一亮，新鲜刺身砌满奖杯型器皿，里面舖满碎雪保持温度，所有刺身够冻够新鲜，连食三盘都系保持水准。      而且放题包括冷热SAKE,香醇易入喉，配搭嚟食鱼生真系最高享受😋     鱼生得之外，烧物天妇罗前菜都系水准以上，当中烧澳洲和牛寿司尤其出色，油脂丰富入口即溶，香味媲美顶级西冷，薄薄一片做寿司，绝！              除咗冷热食品多选择，仲有雪糕批做甜品。虽然放题时限两小时，但伙记上菜快捷，全晚无冷场，SAKE鱼生枝豆从未间断，食得尽兴，庆幸将军澳又多一个优质蒲点。