頂元魚蛋大王

营业中

休息中

光顾左呢度两次。第一次是食墨丸河加汁再加$8一碟菜心。墨丸名不虚传，爽弹鲜味，系唔错！所以有第二次。今次想试牛腩。考虑到牛腩都肥，为免同淀粉质撞埋一齐，所以就试吓佢地个鱼面。 以前食过鱼面，都是打边炉一小包俾你唧吓唧吓果种。一大碗咁上，讲真未试过。食左一啖，感觉就是面条形的鱼蛋。弹牙嘅但鲜味一般。食左两三啖已觉得顶胃，开始后悔叫了鱼面。食几条都话吖，成碗食晒，等于约20粒鱼蛋的份量，成件事好crazy呀！！！唔讲crazy鱼面, 佢地牛腩系唔错，部位靓，肥瘦适中，但香料味唔算好突出。上次我叫加腩汁，碗粉相当油腻，今次唔敢叫加汁，好少少个汤整体都系油油地。食完唔算口渴（反而食完西环间永记个口干干地）, 都OK啦。整体而言唔算伏，但又唔系好食到要大力推介。除了墨丸特别出色，其他一般般。