台南阿豆仔 (已結業)

有晚Mr. C 话想食越南粉。但行到一半见到呢间台湾嘢，就拉咗Mr. C入去！鲁肉饭！好想食到响台湾食𠮶种感觉。入到黎，装修几特别，有D怀旧得黎几hip既feel。我叫咗一个大古法鲁肉饭($45)，Mr C 叫咗红烧牛肉面($68)。另外一个沙茶空心菜($45)同埋塔香菜脯蛋($42)。我𠮶鲁肉饭，肉既份量够，汁多够捞饭。肉又唔太肥。好味！Mr. C𠮶红烧牛肉面，𠮶汤好浓，牛肉同牛根好腍好够味，好入味。唯一系𠮶面棉咗少少。𠮶沙茶空心菜冇乜特别，同平时啲炒通菜差唔多。都OK。但系𠮶菜脯蛋就真系差啲。𠮶蛋好似炸得太耐。。。油到吓衬我。冇乜蛋味。另外我哋叫咗𠮶珍珠奶茶，啲珍珠好似过夜，冇乜𡁻口。但系好彩另外葡萄柚多多就几好味，好refreshing。总括黎讲，如果好想食鲁肉饭&牛肉面，呢间OK。但系其他野食就麻麻地。下次需要再试下其他dishes先得喇。