影片
更多
2023-04-04
1542 浏览
今晚既主题系✨鲍罗万有✨，听个名都知道系用鲍鱼做主题，如果钟意鲍鱼嘅朋友就一定开心餐厅比想像中细，职员安排我地坐系窗边位置，拎野食嘅地方唔大，食物种类唔算多，我地既座位距离食物好近，都算系优点，起码行多几次都唔觉得攰一开始食海鲜冷盘先，都系有龙虾蟹脚生蚝等等基本嘢，特别小小嘅系由小龙虾做冷盘，一般平时通常都系麻辣小龙虾蟹脚同埋生蚝偏瘦，唔多肉，其他海鲜就一般味道，不过不失喺食海鲜冷盘途中，职员每位上咗一点烩鲍鱼，伴碟有西兰花同花菇，花菇好厚身，如果食晒一只应该会好浪胃全晚我最钟意，反而系依个羊架，佢冇平时自助餐腌得咁咸，同埋一啲都唔韧，煎到两面有少少焦香，衬埋个烧汁食一流全晚最失望嘅系青口，我系好钟意食青口，平时起码食两打，但我竟然依碟都食唔完，因为好咸同青口肉质好霉呢度另外有个主打，就系19:30准时敲钟，准时送上由酒店米芝莲餐厅「唐阁」烹煮既乳猪，钟声一响，全部人都即刻排队去拎，系难得既画面，因为今晚实在太少人，拎所有野都唔使排队拎咗一份返黎试，系好味既，但可能乳猪突出唔到米芝莲既级数😂😂只可以话比一般嘅乳猪有肉，唔系酒楼乳猪剩系得层皮同肥膏，唔会死咸，要形容既话就系一只好味嘅乳猪
餐厅比想像中细，职员安排我地坐系窗边位置，拎野食嘅地方唔大，食物种类唔算多，我地既座位距离食物好近，都算系优点，起码行多几次都唔觉得攰
冷盘海鲜
48 浏览
0 赞好
0 留言
一开始食海鲜冷盘先，都系有龙虾蟹脚生蚝等等基本嘢，特别小小嘅系由小龙虾做冷盘，一般平时通常都系麻辣小龙虾
蟹脚同埋生蚝偏瘦，唔多肉，其他海鲜就一般味道，不过不失
喺食海鲜冷盘途中，职员每位上咗一点烩鲍鱼，伴碟有西兰花同花菇，花菇好厚身，如果食晒一只应该会好浪胃
羊架
36 浏览
0 赞好
0 留言
全晚我最钟意，反而系依个羊架，佢冇平时自助餐腌得咁咸，同埋一啲都唔韧，煎到两面有少少焦香，衬埋个烧汁食一流
34 浏览
0 赞好
0 留言
全晚最失望嘅系青口，我系好钟意食青口，平时起码食两打，但我竟然依碟都食唔完，因为好咸同青口肉质好霉
呢度另外有个主打，就系19:30准时敲钟，准时送上由酒店米芝莲餐厅「唐阁」烹煮既乳猪，钟声一响，全部人都即刻排队去拎，系难得既画面，因为今晚实在太少人，拎所有野都唔使排队
拎咗一份返黎试，系好味既，但可能乳猪突出唔到米芝莲既级数😂😂只可以话比一般嘅乳猪有肉，唔系酒楼乳猪剩系得层皮同肥膏，唔会死咸，要形容既话就系一只好味嘅乳猪🙈🙈
可能今晚人流唔算多，我之后行过烧味位置，仍然都见到有乳猪净，但已经冇人拎
38 浏览
0 赞好
0 留言
甜品位置除咗有一般蛋糕同糖果，仲有即制棉花糖，即制pancake，不过感受到今晚嘅职员实在唔熟手，等佢哋煎pancake平均第一块系失败，有可能系个镬嘅问题，我𠮶块(职员姨姨)煎到中间穿咗个大窿，个卖相超差，勉强加咗啲朱古力酱喺面，但个卖相令我食咗一啖就俾咗朋友食，同朋友讲当试左唔使再拎😂😂
41 浏览
0 赞好
0 留言
(呢个雪糕实在太开心，所以食咗一啖先记得影)
话说我哋18:00到达，因为唔多人，所以个感觉冇咁紧张，所有野都可以慢慢食，食到雪糕呢个时间已经系去到21:30，见啲职员已经开始收紧啲热盘，即系就嚟收工，所以都嗱嗱声去拎雪糕做结尾
面对八种口味，样样都想试，平时都系每次拣两种味，最多行多两次拎，今次大胆咁问(职员姨姨)可唔可以每种口味都要😂😂佢一听然后望一望装雪糕个碗话可能放唔晒，我即刻喺隔离拎咗只大碟俾佢，佢一睇都笑咗出嚟，还未试过咁，但都接过我只碟，然后好努力咁笔左八球雪糕俾我，帮我划上左全晚最满足既句号。
总结💁🏼♀️鲍鱼做卖点唔算好吸引，食物种类唔算多，但胜在人流唔多可以慢慢食，食物质素唔算差，职员服务态度好，同朋友慢慢倾偈慢慢食，系一般自助餐好难做得到，最后食足四个钟，肚皮同心灵都好满足
张贴
