影片
更多
2020-10-10
3817 浏览
早一日打去book位，3个人食20:30-23:00，两个半钟。准时去到，门口已经排左10几20个人等紧。探完热就入去坐卡位，坐得舒服宽敞。一坐低就送上葱蒜末、干蒜、辣椒粒四样佐料、酱油供自己调沾酱。枱面有计时器来计算每样食材滚煮时间。墙上亦贴有建议最佳煮食时间。很贴心又清楚明瞭！然后我地点了肉蟹+沙白蚬锅底，$200/人，因为龙虾售罄了，想点龙虾最好在订座时预定，$220一位。拣好五款海鲜，等左5分钟就上齐好快，员工都好周到提供了装壳的兜，蟹钳，样样齐全放在枱面。服务非常好！蟹系半个for一人。鲍鱼一人一只。按人头配量，我地三个人份量如下。海鲜除左肉蟹、沙白粥底，仲有另拣左多宝鱼、象拔蚌同鲍鱼（一人一个）、大尾鱿、海虾（每人2只）。都好新鲜，虾同鲍鱼仲系郁紧架~~正！因为怕蚬入边有沙，所以第一样就煮左蚬先，2分半钟就食得。点知我第一口食，果然「莫非定律」，第一啖咬落个蚬肉度，每一口都是沙。我吐出来，食其他，之后每粒都干净，系得第一粒蚬系满满沙。之后都好和味鲜甜，特别系鲍鱼、多宝鱼，鲍鱼好爽口沾酱品尝到鲜甜，我原本麻麻地鲍鱼都觉得好好食，一试难忘！多宝鱼好滑、入口即溶咁，大尾鱿同海虾弹
一坐低就送上葱蒜末、干蒜、辣椒粒四样佐料、酱油供自己调沾酱。枱面有计时器来计算每样食材滚煮时间。墙上亦贴有建议最佳煮食时间。很贴心又清楚明瞭！
然后我地点了肉蟹+沙白蚬锅底，$200/人，因为龙虾售罄了，想点龙虾最好在订座时预定，$220一位。
拣好五款海鲜，等左5分钟就上齐好快，员工都好周到提供了装壳的兜，蟹钳，样样齐全放在枱面。服务非常好！
蟹系半个for一人。鲍鱼一人一只。按人头配量，我地三个人份量如下。
海鲜除左肉蟹、沙白粥底，仲有另拣左多宝鱼、象拔蚌同鲍鱼（一人一个）、大尾鱿、海虾（每人2只）。都好新鲜，虾同鲍鱼仲系郁紧架~~正！
因为怕蚬入边有沙，所以第一样就煮左蚬先，2分半钟就食得。点知我第一口食，果然「莫非定律」，第一啖咬落个蚬肉度，每一口都是沙。我吐出来，食其他，之后每粒都干净，系得第一粒蚬系满满沙。之后都好和味鲜甜，特别系鲍鱼、多宝鱼，鲍鱼好爽口沾酱品尝到鲜甜，我原本麻麻地鲍鱼都觉得好好食，一试难忘！
多宝鱼好滑、入口即溶咁，大尾鱿同海虾弹牙，蟹好食，就系食得好麻烦，蟹钳都要好用力夹先开到来吃，食左好耐。象拔蚌我自己认为好韧，似香口胶咁咬唔烂，要成旧吞，我觉得麻麻。
食完海鲜就可以落蔬菜：南瓜、芋头粒，仲有粟米。
其他八样食材拣左：鸡骨丸、鸡滑、猪梅头片、猪腩片（）、肥牛、竹笙、花胶仔、鸡块。我地系食肉兽~~
原本系拣海鲜菇，后来员工话无晒，于是改点猪腩片，点知错有错著~~真系幸运，猪腩片超乎意料地有惊喜！好惊艳啊一食落口，系无拣错架....好好食！就系偏肥先好食，满满口腔浓浓既油脂香，超级满足，（绝对必点猪腩片！！！）不油腻而齿颊留香，每人两片。
竹笙量几多、索晒汤既精华；花胶仔都好滑好咬好食~粟米够晒甜多汁。
鸡块系滑，不过其他就一般般，不过不失。
原本见其他人推荐：鸡骨丸、鸡滑，个人觉得麻麻，个调味重味精，偏咸。虽然鸡骨丸出边少见，我亦未食过，但试过之后，觉得系唔好味的。
食晒肉之后，就可以揾职员加绵密既米粥，仲有些配料：猪油渣、菜脯、芫茜。滚左就食得，粥好浓南瓜味，海鲜味就食不太出。食左两碗粥，仲有剩，有职业主动询问要不要外卖盒打包带走。服务真系一流、好贴心周到~而且经常帮我们枱收走多余既空盘、清走壳骨，态度和善温柔，一百分。难怪市道唔好，都排长龙等位！
埋单$200一位，个价钱食海鲜系好抵，坐得又舒服松动，同朋友倾下计，两个半钟慢慢食够晒。
而野饮方面 选择就唔算多，价钱亦偏贵唔抵，所以无嗌野饮。
整体，系值得再去~必点既：鲍鱼、花胶仔、肥腩片、多宝鱼。龙虾无食到唔知，但肉蟹系的确唔错。
张贴
