The Captain's House (已結業)

Captain’s house嘅海鲜袋已经帮衬过好多次，钟意到以前staycation都特登嚟买外卖。 平时食龙虾比较多，今次拣其他海鲜都好唔错。Combo A拣左鲍鱼、扇贝同八爪鱼仔，当中鲍鱼超有惊喜，好大只，弹牙厚肉鲜甜，三大只食到好满足。 扇贝同八爪鱼仔有做到海鲜袋嘅本份，唔系雪到冇味个啲，真系有鲜味够弹，比一般西餐海鲜饭或者海鲜意粉用料好好多。每次都暗暗期待薯仔、粟米同肉肠等配料，尤其是薯仔煮到好软糯就快化开咁，同cajun sauce好夹，辣辣地好惹味。蟹钳蟹膏意大利烩饭合埋眼都食到蟹肉质感，浓郁creamy，栉瓜粒同番茄仔又有一丝清新。