晉薈 (已結業)

老公生日一家三口去食生日飯，小朋友鮑汁伊麵食到唔停口，麵條唔會太淋，味道非常濃郁。炸子雞一上碟熱呼呼的，外皮好香脆，肉質嫩滑。生日飯當然要豪一豪佢，鮑魚我地無叫最貴的$498，但$398都一樣好味，仲要非常大隻，雖然我唔識分別咩係好，但我知痴刀的，唔會差得去邊，刀义食鮑魚才是貴氣，每一口都好好口感，食完after taste依然有濃濃的鮑魚味在口腔，實在非常滿足。相對$168花膠，唔好期望太高，唔厚身，食落當堂口感大減，勝在夠大片，不過試一次便夠。