影片
更多
2018-02-12
1782 浏览
晌元朗做到出晒名嘅「鮨文」，跳咗出嚟黄埔，加上就晌地铁出口对面，自然对好多人而言方便咗好多。是夜与友人同嚟一尝其「厨师发办」，唔单止试到多款新鲜海鲜，更睇到师傅即席㓥鱼、做菜，绝对唔单喺味觉嘅享受，更喺视觉嘅滋润。对大街嘅门面店名都无，若非事前有上网睇睇，真喺唔敢推门内进。入到去先喺窄窄嘅通道，通道旁原来有啲贵宾房，再到大厅，但是日满座，我哋被安排坐入贵宾房，如包房晚市好似要$10,000，有兴趣嘅朋友自行再向店家查询！坐入去，同师傅嘅距离更近，睇到师傅做菜更仔细呀！嚟得「鮨文」，都知道只有厨师发办套餐供应，分别定价为$1,350或$1,750 + 10%两款，消费绝唔平便，但交足货兼有唔少惊喜。后页，仲有唔同嘅饮品供应，当然，日本清酒会喺主角。嚟呢度，唔好挂住食，仲要学欣赏，欣赏师傅手势，欣赏店员服务，欣赏用餐餐具……唔少得盛菜嘅器皿啦。蟹肉金箔茶碗蒸外面天寒地冻，虽然入到室内暖和好多，但点都唔及嚟一道茶碗蒸暖心窝。加入蟹肉、金箔自不然令其变的不平凡，蒸蛋内仲有元贝、花菇，令其口感滑溜之余，更添加一份蛋咸香味。渍物前菜师傅非常忙，两头走，先做一道前菜俾我哋过口瘾。红酒桥头，酸酸哋，有
对大街嘅门面店名都无，若非事前有上网睇睇，真喺唔敢推门内进。入到去先喺窄窄嘅通道，通道旁原来有啲贵宾房，再到大厅，但是日满座，我哋被安排坐入贵宾房，如包房晚市好似要$10,000，有兴趣嘅朋友自行再向店家查询！
坐入去，同师傅嘅距离更近，睇到师傅做菜更仔细呀！
嚟得「鮨文」，都知道只有厨师发办套餐供应，分别定价为$1,350或$1,750 + 10%两款，消费绝唔平便，但交足货兼有唔少惊喜。
后页，仲有唔同嘅饮品供应，当然，日本清酒会喺主角。
嚟呢度，唔好挂住食，仲要学欣赏，欣赏师傅手势，欣赏店员服务，欣赏用餐餐具……唔少得盛菜嘅器皿啦。
蟹肉金箔茶碗蒸外面天寒地冻，虽然入到室内暖和好多，但点都唔及嚟一道茶碗蒸暖心窝。加入蟹肉、金箔自不然令其变的不平凡，蒸蛋内仲有元贝、花菇，令其口感滑溜之余，更添加一份蛋咸香味。
蟹肉金箔茶碗蒸
21 浏览
0 赞好
0 留言
渍物前菜师傅非常忙，两头走，先做一道前菜俾我哋过口瘾。红酒桥头，酸酸哋，有微微红酒香；酱油渍牛蒡，少少咸，多多爽；芥末淮山，入口爽脆，带少少潺；仲伴有点寿司姜，清清味蕾。
塩辛呢道小点唔喺包晌餐牌菜式之中，纯喺师傅私人醒，话喺日本人重口味嘅佐酒「零食」，查实喺墨鱼肝，果然重口味，颇咸吓添，哈哈！
新鲜生蚝食生蚝可能成日听人讲法国蚝、美国蚝、澳洲蚝，其实，世界仲有唔少地方有生蚝出产，如爱尔兰、墨西哥，仲有唔少得日本。今晚师傅为准备咗佐贺县小长井嘅真蚝（初时仲以为叫珍蚝），蚝肉本身极之肥美，口感爽脆，蚝味不俗，最特别喺加上一小撮辣椒萝卜蓉及刨咗少少柚子皮，立时味道变得有层次感。
新鲜生蚝
16 浏览
0 赞好
0 留言
𩽾𩾌鱼都曾经食过，但其鱼肝印象中就第一次。但师傅话佢哋卖嘅鱼肝喺自家制，好多功夫，浸过清酒之后，又要蒸……。一客有两件，点点红色喺油份，师傅刻意淋上酸汁，食落有份新鲜感，唔腥，油份无食鹅肝𠮶类咁重，较轻盈，口感就非常好，绵滑细致。
𩽾𩾌鱼肝
26 浏览
0 赞好
0 留言
鳗鱼相信大家都食唔少啦，尤其蒲烧，但鳗鱼BB小弟应该都喺第一次，嚟自爱缓县嘅「BB」，幼细而透光，配上平时食冷面嘅汁。入口口感几似食粉皮，滑嘟嘟咁，淡淡酱油香，又几「过制」㖞。
八爪鱼食完道滑嘟嘟嘅鳗鱼BB，跟住就喺口感烟韧嘅八爪鱼，有咬口得嚟唔会好似擦纸胶咁韧，有入柔软感，唔错㖞。
跟住师傅拎咗一大袋嘢出嚟，原来喺即场起咗条吞拿鱼，过程话易唔易，话难又好似唔难，当然，皆因师傅手势好，就转眼起晒条鱼啦。
烟熏吞拿鱼吞拿鱼喺香港人较熟悉嘅刺身之一，初时以为佢单单俾两件鱼生过我哋食，咁样唔会喺「鮨文」嘅取态，加入烟熏，好有视觉效果，亦令味道变得特别。晌上面添了葱花、蒜蓉、芝麻，卖相好睇，吞拿鱼保持半生状态，入口竟然喺爽爽哋，又好有鱼油香，精彩！
烟熏吞拿鱼
21 浏览
0 赞好
0 留言
日式煮法就梗喺揾清酒煮啦，啲鲍鱼好腍身，柔韧有咬口，睇件成品看似简单，但睇师傅切嘅时间用上特别嘅刀法切出锯齿纹，原来喺为咗更挂汁。而啡啡黑黑嘅喺浓酱喺鲍鱼干酱，非常浓郁，吊起鲍鱼鲜味
清酒煮鲍鱼
23 浏览
0 赞好
0 留言
食完鲍鱼，就到下一环节：寿司。不过，师傅唔喺切鱼先，喺磨山葵，呢度嘅日本芥末喺用鲜磨货色，味道天然，而且，寿司上碟就食得。
石鲷寿司学师傅话斋，寿司就梗喺有淡味到浓味咁食，所以，第一道寿司喺白身鱼嘅石鲷（注：由于事前都唔知有咩寿司款式，所以，款式喺师傅一边做，一边介绍，希望啲名无记错）。石鲷虽然喺白身鱼，油份又以足，肉质细致。
石鲷寿司
25 浏览
0 赞好
0 留言
第二道都喺白鱼，但就喺浓味啲嘅针鱼，师傅话12-4月喺时令，所以，俾大家一试。外表鱼身好有光泽，针鱼有啲细骨，师傅好细心咁钳走晒，而且，师傅好喜欢晌刺身上鎅几刀显示一下刀功，深浅刚好，肉质够挺，鱼味确喺浓一点。
针鱼寿司
27 浏览
0 赞好
0 留言
去三圣食海鲜，我哋一班死佬就梗会买条象拔蚌做刺身，今晚以象拔蚌嚟做寿司当然好啦。象拔蚌本身无乜味，所以，师傅唧咗啲青柠汁，口感超爽口而味道清新。
象拔蚌寿司
18 浏览
0 赞好
0 留言
跟住依道军舰只喺三文鱼籽，较大路，感觉就自然比之前几款嚟得普通，但三文鱼籽质素都高嘅，一咬爆汁，浓浓咸鲜味。
沙甸鱼寿司师傅话，呢段时间沙甸又喺时令，但做法就以炙烧，令油香更突出。顺带一提，咪睇细细件寿司，捏饭、切鱼嘅大细都有其心思，刺身刚好冚过寿司饭，而饭粒挺身唔会实绷绷。
沙甸鱼寿司
25 浏览
0 赞好
0 留言
讲到鲜虾寿司可能你会觉得无乜特别，但有几何喺晌面前睇住由扎扎跳嘅鲜虾，做成寿司！车老海即喺我哋惯常叫嘅花竹虾，新鲜即剥，新鲜度无庸置疑，虾肉真喺非常鲜甜，肉质爽口。虾头呢？唔会嘥，油炸之后，成只放入口，脆到爆呀！
车海老寿司
13 浏览
0 赞好
0 留言
再嚟呢件超有惊喜，非一般吞拿鱼，师傅切嘅时间好似牛肉咁样，红得嚟比较鲜色，小弟就当然估唔到啦，开估就喺吞拿鱼嘅「面珠」。经火炙后，口感极似猪颈肉，有咬口，但味浓，好特别。
吞拿鱼寿司
20 浏览
0 赞好
0 留言
食完一轮寿司后，再呈上一小碗鲜鱼汤，浓郁鱼鲜嘅甜味，但清而不浊，热辣暖心窝。
鲜鱼汤
15 浏览
0 赞好
0 留言
呢道菜喺因为时近过年，师傅特别加映。伊达卷，喺过年先食，味道有啲偏甜嘅，卷埋有团圆嘅意思，好似我哋食汤圆咁。师傅仲话，食寿司，最尾喺蛋，有句号嘅意思添，又长知识。
伊达卷
21 浏览
0 赞好
0 留言
师傅问我哋够皮未，咁精彩嘅厨师发办，如果仲有得试就梗喺好啦！点知佢就拎咗板新鲜嘅马粪海胆出嚟做军舰，啲海胆堆到满满，都唔知有几多瓣，入口绵密细腻，新鲜到不得了，加上啲远山紫菜极为香脆。
海胆军舰
18 浏览
0 赞好
0 留言
见大家意犹未尽，师傅玩吓啲小技巧，做到一道去司卷。将右口鱼肉（中国人会叫鲽鱼），千本渍及腌萝卜切蓉，混入饭内，跟住就喺亮点，由于右口鱼油份极高，炙烧鱼皮，挤出鱼油，令啲饭粒更甘香油润，喺惊喜嘅寿司（卷）压轴，赞呀！
右口鱼寿司卷
22 浏览
0 赞好
0 留言
最后一道喺新鲜日本蜜瓜，卖点喺食前淋上白兰地，点火后引发酒香，而蜜瓜本身亦好甜蜜，让整个厨师发办有个园满嘅结束。
正如标题所讲，晌「鮨文」食一次厨师发办，唔单止食其味道，不论前菜、渍物、寿司……都非常精彩，而且，更充满视觉乐趣，刀功、技巧、摆设……都十分养眼。加上服务好，师傅又会跟你互动，喺好难得嘅一次体验。
张贴
