鮨文 (已結業)

想去元朗试鮨文好耐。适逢老细升职请食饭，佢地就拣左系黄埔既鮨文🤤老细们请食$1280既omakase，真系受宠若惊😭呢个set有茶碗蒸、6款刺身、7件寿司、1件手卷、茶壶汤同甜品。首先上既5款刺身系鲂𫚒、䲠鱼配面豉酱(配面豉酱比较少有，感觉好夹)、而家系season既秋刀鱼配少少日本姜葱(秋刀好肥美)、池鱼同埋𩽾𩾌鱼肝，之后再上埋紫菜包吉列帆立贝配自家制他他酱(紫菜好脆，吉列帆立贝炸到半生熟外脆内软口感一流，他他酱好好食)，好有惊喜🖐🏻7件寿司分别系剥皮鱼(上面系剥皮鱼既肝)、缟虾、自家腌既三文鱼籽、粒贝、吞拿鱼颊(kama-toro)、穴子、海胆军舰(有两种海胆🤩)；手卷系烧过既鲛鲽裙边(无影到😆)，油脂感极重，配埋超脆既紫菜一咬落去就中和左，唔觉得太腻。甜品系柚子/紫薯雪葩，好食但无咩特别。总括黎讲，会有下次。迟d试下book dinner omakase🖐🏻