鮨真 (已結業)

XO仔生月中居然打败仗，其中四份一时间仲要留咗喺家中休养，碰巧遇著五一唔洗返工，终于可以眠过够本。为食猫假后当然系身痕啦，所以即约同契妹去老友记推介间「鮨真」度食鱼生，屈佢帮契哥补祝生月。楼上寿司屋以萤光蓝灯展示招牌，门面再加个流水池，新潮中明显仍坚持相信风水学。店内以木条造出o既流线形间隔型格得黎有种好温和o既感觉。走廊有招财猫照住。架上亦晒出不少靓酒o既酒樽。不过最可爱都系寿司吧枱一角o既Q版十二生肖阵。食鱼生就硬系要拣坐寿司吧啦！除咗可以观赏两位师傅表演之外，最重要就系近厨得食。埋位先有热茶及热毛巾，暖手又卫生。多页电子版餐牌及酒牌够光又够清晰。屈契妹还屈契妹，XO仔都好有良心地任由主人家决定食边款「厨师发办」；结果三个入面佢就拣咗每位$1,180，包有七款刺身及五款寿司o既「菊」。点好晚餐，师傅迅即准备数款颜色鲜美o既开胃渍物。两款腌萝卜均爽脆清新，荞头则醒胃多汁。每当食完一款后，师傅仔都会即时另配其他渍物，绝对属眼明手快之人。渍物中个人最爱必选超级爽润o既淮山。带甜o既酸姜都唔错。前菜之冰菜沙律：冰菜沙律同芝麻酱分开上，以便食客可自行控制所需之沙律酱份量。形态犹如露水挂满绿叶