鮨釀 (已結業)

大只仔今次觅食嘅店舖就系💥 鮨酿 💥大只仔今日lunch 去中环食好西 omakase 厨师发板呢间日本餐厅 听朋友讲开咗冇耐，个师傅老板好高要求，好似曾经做过多间知名日本餐厅，所以今日约咗朋友一齐嚟试吓好唔好食。小插曲 - 大只仔嚟到，厨师好坦白同我哋讲，因为另一个师傅离职，人手唔够，佢哋而家改咗Menu，烧物炸物之类全部都会改出寿司。🥲🥲⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️服务 ⭐️⭐️⭐️⭐️⭐️环境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 午市厨师发板 $880 （另加一服务费）首先嚟一碗热辣辣嘅茶碗蒸，蛋好滑入面仲有少量蟹肉之后就嚟鱿鱼寿司、鸡鱼寿司、𫚕鱼寿司寿司系用上红醋寿司饭十分之入味。再嚟就系石湖蚌寿司，蚌爽口够新鲜，好食。跟住就系车海老寿司、三文鱼腩寿司，三文鱼腩寿司配上生胡椒姜䓤提升鲜味。再嚟就系大只仔最钟意嘅小肌寿司同埋秋刀鱼寿司，呢两款寿司唔系好多人钟意食，因为味道比较重，只要鱼够新鲜就唔会有腥味。再嚟就系熟成大拖罗寿司、酱油渍中拖罗赤身寿司，呢件中拖罗赤身寿司超级好食，有赤身嘅咬口又有中拖既油香，一次满足两个愿望。