豊洲水産海鮮丼専門店 (已結業)

今日行过见豊洲水产系油麻地开左分店，因为之前都不断听过呢间野，不过因为系湾仔所以无机会去试下，所以今日就决定去试下究竟系咪真系咁好食。睇佢门口摆哂花牌，原来今日系岩岩第一日试业。佢新推出左个飞天鲔鱼丼，就试下啦。个面豉汤应该加左Ｄ鱼骨入去煲，有鱼味。佢个丼饭都几多料，有鲔鱼蓉、鲔鱼片、拖罗片、甜虾及三文鱼子，配料仲有紫菜、温泉蛋、青瓜粒及腌萝卜粒等等。鲔鱼蓉入面唔系真系蓉哂，佢仲有Ｄ粒粒系入面，同埋有小小柚子皮系上面。鲔鱼片好新鲜，厚厚实实，收货。拖罗片就ＯＫ，我觉得未算好好，中上而已。其实整体都几好食，用料系几好，最重要系够新鲜，食呢Ｄ最紧要既当然系够新鲜，唔系其他野几好都无用。