鮮一夜火鍋 (已結業)

位於荃灣大鴻輝中心一整棟大樓開左好多食肆，花多眼亂，今次被我選中既就係最高層21樓既‘鮮一夜’，吸引我既原因係因為可以一次過食到私房菜，刺身，雞煲，火鍋，而店內全是梳化卡位，好舒適。我地簡左一夜皇御套餐，$268/位自助火鍋醬汁，好多選擇，仲有自助糖水，甜品雪糕野飲都係自助，連啤酒都係任飲先食左Part 1 (非任食）紅燒花膠翅，私房菜之一，滿滿既花膠同翅，美味另一款私房菜係掌明珠拼溏心靚鮑魚，鵝掌煮得夠淋同好入味，唔會好似食橡筋咁，鮑魚似係新鮮鮑魚而非罐頭鮑五色刺身拼盤（三文魚，帶子，赤蝦，希靈魚，北寄貝），全部都係我喜愛食既刺身，一個字形容‘鮮’，可惜唔係任食即炒奇妙雞煲，因為我地唔食莞茜，所以走莞茜，睇下個份量多到呢，二人根本食唔晒，唔好忘記仲有火鍋，但太好味啦，食食下都食左好多接著Part 2有六款湯底可選，我地加左30蚊簡左兩款湯底，杏汁豬肺鍋（比較少地方有）同藥膳養身鍋，就湯底都已經好多料，我都忍唔住飲左碗杏汁豬肺，好杏仁既香味航母海鮮併盤（象拔邦，大蜆，蠔，蝦），我地都係海鮮控，象拔邦好爽，蜆大隻又鮮味，全部都好呀安格斯肥牛，我都非食肉獸，份量岩岩好每人幾片，少肥膏同唔靭