影片
更多
2015-12-08
2255 浏览
记得今年5月份嚟过九重鲜食蒸海鲜塔，首次接触，印象难忘，因为唔单单震撼嘅九层塔 ，更因几百蚊就食到多款海鲜，做法以海鲜嘅原味及鲜味先入为主，实在好食，其后有介绍俾朋友都话无介绍错。事隔半年再嚟，一样尽尝海鲜真味 。我谂环境都唔多讲，上次食评都有描述，虽然店子开咗大半年，今晚到访虽然喺闲日，一样大收旺场，足见其实力及受欢迎度。餐牌睇落无乜点变，都喺3款选择：釜山、首尔、济州塔，每款都已经包括10款或以上海鲜及多款蔬菜，不过，粥底就加多咗两款：鱼汤及泡菜汤。此外，价钱亦明显调整咗！九层塔嚟到，都要等大概20分钟先有得食，睇住塔顶个温度计慢慢升温，就期待即蒸原味海鲜就快「出笼」。 韩式前菜 趁个海鲜塔仲蒸紧，先食住啲韩式前菜：大豆芽、芝麻白菜仔、醋腌萝卜及韩式泡菜，而今回就无咗啲薯仔。萝卜酸爽清新，最易令人开胃，泡菜辛辣入味，都唔错㖞！ 第一层：蛏子、象仔蚌（伴车厘茄、节瓜） 因为唔喺第一次食，当然唔及第一次咁惊喜啦，不过，同行友人就喺第一次，所以，佢就万分雀跃。蛏子及象仔蚌两者入口都爽口鲜甜，确实好鲜味，所以，无沾点任何真酱料，务求嗒出海鲜原味。 第二层：元贝 大
我谂环境都唔多讲，上次食评都有描述，虽然店子开咗大半年，今晚到访虽然喺闲日，一样大收旺场，足见其实力及受欢迎度。
餐牌睇落无乜点变，都喺3款选择：釜山、首尔、济州塔，每款都已经包括10款或以上海鲜及多款蔬菜，不过，粥底就加多咗两款：鱼汤及泡菜汤。此外，价钱亦明显调整咗！
九层塔嚟到，都要等大概20分钟先有得食，睇住塔顶个温度计慢慢升温，就期待即蒸原味海鲜就快「出笼」。
韩式前菜 趁个海鲜塔仲蒸紧，先食住啲韩式前菜：大豆芽、芝麻白菜仔、醋腌萝卜及韩式泡菜，而今回就无咗啲薯仔。萝卜酸爽清新，最易令人开胃，泡菜辛辣入味，都唔错㖞！
韩式前菜
50 浏览
1 赞好
0 留言
因为唔喺第一次食，当然唔及第一次咁惊喜啦，不过，同行友人就喺第一次，所以，佢就万分雀跃。蛏子及象仔蚌两者入口都爽口鲜甜，确实好鲜味，所以，无沾点任何真酱料，务求嗒出海鲜原味。
第一层：蛏子、象仔蚌（伴车厘茄、节瓜）
73 浏览
1 赞好
0 留言
第二层：元贝 大元贝清蒸，无加任何太抢味嘅配料，只下少少葱花提鲜，感觉不俗，元贝厚肉鲜甜，晌壳内嘅海鲜汤汁就更加唔好错过。
第二层：元贝
60 浏览
1 赞好
0 留言
第三层：海虾（伴金菇） 每人有3只大海虾可享用，只只都好大只吓，虾肉爽口弹牙。此外，好钟意佢层层都加咗啲野菜。
第三层：海虾（伴金菇）
52 浏览
1 赞好
0 留言
第四层：新鲜花尾龙趸、北寄贝（伴车厘茄） 朋友哗哗声咁，皆因啲鲜北寄贝大大只，同平时食刺身时见到嘅感觉好唔同，入口柔韧鲜甜。花尾龙趸睇落好似无上次咁大件，但肉质好滑，又好有鱼鲜味。
第四层：新鲜花尾龙趸、北寄贝（伴车厘茄）
76 浏览
1 赞好
0 留言
第五层：沙巴肉蟹、青口（伴秀珍菇） 每人有半只沙巴大肉蟹，慢慢拆，肉蟹啖啖肉，味道非常鲜甜，仲有少许膏；青口较平时见到嘅大只，啲肉又唔会好似擦纸胶咁，味道较甜。
第五层：沙巴肉蟹、青口（伴秀珍菇）
74 浏览
1 赞好
0 留言
第六层：大蚌、大花蛤（伴木瓜） 无论大蚌还是大花蛤，都带有一朕海水味，而前者真喺好巨大，非常有睇头。两者质素都唔差，虽然味鲜，唯入口有少少韧，我哋认为有少少蒸过火，可能将佢同第五层对调会合宜啲，因为食蟹花嘅时间多咗，下一层就自然蒸耐咗 。
第六层：大蚌、大花蛤（伴木瓜）
64 浏览
1 赞好
0 留言
第七层：鲍鱼、日本蕃薯（伴白萝卜、冬菇） 大连鲍鱼的确有料到，大只够睇头，口感弹牙烟韧，鲍味鲜甜，令人再三回味；日本蕃薯亦宁舍粉甜，好有蕃薯香。
第七层：鲍鱼、日本蕃薯（伴白萝卜、冬菇）
69 浏览
1 赞好
0 留言
第八层：海螺、日本南瓜、粟米、黄牙白 依层以野菜为主，日本南瓜及粟米都好好食，前者粉香，后者清甜，成为依层嘅亮点；而海螺就变成大配角。
第八层：海螺、日本南瓜、粟米、黄牙白
50 浏览
1 赞好
0 留言
第九层：鱼汤（每位加$30） 食晒啲海鲜，唔讲都知最尾就喺啲「精华」粥水，今次拣鱼汤，因为海鲜嘅倒汗水已带有鲜味，所以，令鱼汤变得唔明显，可能韩式泡菜会特别啲！
第九层：鱼汤（每位加$30）
55 浏览
1 赞好
0 留言
今次同行嘅朋友唔好酒，所以，都只叫咗济州橙汁（$70 / 1,500ml）。
依家佢哋仲推埋午餐，以套餐形式，好似几丰富，都喺$80位（两位起）；而且，连海鲜塔都有做，当然比晚市平，不过，较无保险喺佢无讲明有咩海鲜，如果打算帮衬就喺要问清楚少少。反而，较有兴趣喺佢个素菜塔，因为啱晒茹素嘅老婆 。
再嚟食都无失望，当然，有少部份地方都仲可以改进吓，令个蒸海鲜可以做得更好。当然，最开心喺同行朋友都话无介绍错，的确「鲜」入为主 。
张贴
