影片
更多
2016-11-02
1268 浏览
因为尖沙咀都算喺常出没嘅地方，加上亦喺约朋友食饭聚旧区域热选之一，睇见依区变化得都几快，尤其短短一截掘头巷嘅厚福街，走过厚福街，目测有超过90%地铺都喺做饮食，可以讲喺自动成为咗一条美食街。走到街尾嘅H8，更喺厚福街嘅地标食厦，是夜就喺拣咗12楼嘅Bel Cibo与朋友聚餐。H8都嚟过好几次食嘢，知道喺一层一间食店嘅格局，所以，一出电梯就见到餐厅，但以磨沙玻璃隔一隔开电梯走廊同用餐区，感觉会好啲。转个弯入到餐厅区，地方唔算大，一室以深灰色为主调，配以多盏水晶吊灯，高贵还高贵，光线感唔强，如每枱天花上加一盏聚焦灯唔知气氛、效果会唔会好啲呢？中间主要喺4人枱，配以梳化櫈，但编排得稍为密集，而挨窗两边则为卡座，挨背高之余，亦非常阔落，喺小弟认为最好坐嘅选择。朋友未到，先点啲嘢饮，Bel Cibo既卖海鲜，亦有卖酒，餐酒、烈酒、鸡尾酒故然唔少得，近年大热嘅手工啤一样有，而且，近入门口位更放咗多款手工啤俾客人试，据店员介绍全部都喺口味富特色嘅出品。最正喺佢哋唔介意俾客人试，难怪入门个柜放咗咁多手工啤啦！讲番啲饮品先，晌饮品餐牌上，除酒之外，有数款沙冰、奶昔、混合果汁梳打我哋都颇有兴趣。Cooki
H8都嚟过好几次食嘢，知道喺一层一间食店嘅格局，所以，一出电梯就见到餐厅，但以磨沙玻璃隔一隔开电梯走廊同用餐区，感觉会好啲。
转个弯入到餐厅区，地方唔算大，一室以深灰色为主调，配以多盏水晶吊灯，高贵还高贵，光线感唔强，如每枱天花上加一盏聚焦灯唔知气氛、效果会唔会好啲呢？中间主要喺4人枱，配以梳化櫈，但编排得稍为密集，而挨窗两边则为卡座，挨背高之余，亦非常阔落，喺小弟认为最好坐嘅选择。
朋友未到，先点啲嘢饮，Bel Cibo既卖海鲜，亦有卖酒，餐酒、烈酒、鸡尾酒故然唔少得，近年大热嘅手工啤一样有，而且，近入门口位更放咗多款手工啤俾客人试，据店员介绍全部都喺口味富特色嘅出品。最正喺佢哋唔介意俾客人试，难怪入门个柜放咗咁多手工啤啦！
讲番啲饮品先，晌饮品餐牌上，除酒之外，有数款沙冰、奶昔、混合果汁梳打我哋都颇有兴趣。
Cookies Banana Milk Shake $62小弟就拣个香蕉奶昔降下温，个奶昔卖相都几得意，因为上面加咗啲奥利奥饼干同朱古力条，正正啱晒我食住啲朱古力饼，饮吓奶昔咁等朋友。而个奶昔嘅蕉味都几十足，奶滑度都唔错，至紧要够晒冻，一喝解千暑。
Max Fruit Soda $52混合杂果梳打可以晌咁多款果汁中拣其中两款，朋友就拣桃味夹芒果，卖相同样够玩味，桃味果汁早已沟入梳打底部，而芒果汁就放晌针筒内，虽然最后都喺沟埋一齐，但就可以先试试个桃味梳打，跟手再沟匀试个混合梳打。友人话桃味比较突出啲，并话唔知佢哋喺咁做法，否则拣两款唔同色嘅果汁嚟沟吓，可能色彩更靓。
Mango Smoothie $58另一位朋友所拣嘅芒果沙冰，话味道唔错，芒果味颇为清甜，而且打得都几柔滑，至少唔会有啲冰粒感，入口非常爽快。
一边饮住，一边倾偈，头盘及主菜都陆续登场，顺便介绍吓餐厅有咩菜式选择。超巨型嘅餐厅，中英对照，兼图文并茂，主要分类为汤、头盘、沙律、小食、主菜、意粉、薄饼及甜品。
此外，有更划算嘅二人餐，包3个头盘、餐汤、第一主菜（2拣1）、第二主菜（3拣1）、甜品拼盘及啡茶，可以讲喺内容非常丰富。定价$588 + 10%，睇嚟都几划算！
法国生蚝拼盘 $298餐厅啱啱做紧生蚝推广，法国生蚝每只只卖$38，有食开蚝嘅朋友都知，依个价喺非常抵食嘅价位。仲要8只蚝，加送两杯餐酒，卖大包价$298，即喺等同免费送两杯餐酒。
一份生蚝拼盘，8只法国生蚝共有3款品种：Fine de Claire（3只）、Gold Beach（2只）以及Go Special（3只），几款都喺属较大只嘅品种，配以柠檬角及自家调嘅鸡尾茄酱，后两款都喺第一次品尝，印象中亦喺较少听过嘅名字。
法国生蚝拼盘
$298
11 浏览
1 赞好
0 留言
蚝肉十分肥美，以爽脆感为主，海水味适中，较易讨人喜欢。
Go Special食落个人觉得蚝味余韵长，鲜甜而口感爽脆。
Fine de Claire肉质似乎相对实净，但海水味强烈，所以，喺3款之中应该喺最咸嘅一款。
西班牙风干火腿红茄多士 $98一客有4件，以烘到超脆嘅牛油百吉包垫底，上面铺上鲜蕃茄粒再堆满西班牙风干火腿，一入口就知好对办，火腿油润充满咸香嘅味道，衬以酸香嘅蕃茄粒粒，绝无油腻嘅感觉，超好食。
西班牙风干火腿红茄多士
$98
7 浏览
1 赞好
0 留言
鹅肝春卷 $98睇起嚟似乎无乜特别嘅春卷，真喺好简单卷住鹅肝就咁炸，不过，食落香脆唔油，鹅肝添加咗一份甘腴嘅香味，而佐食嘅千岛酱原来喺自家处理过，因为食起嚟比平常嘅千岛酱喺有啲分别，酱内多咗啲洋葱粒之类。另外，配以新鲜蔬菜条，爽脆清新，正好减低食油炸嘢嘅罪恶感。
鹅肝春卷
$98
5 浏览
1 赞好
0 留言
龙脷紫菜意大利饭卷配南瓜姜味酱 $158揾意大利饭做寿司卷，真喺好有创意，加上用埋龙脷柳做成反卷，真喺别具心思，不过心思还心思，出嚟嘅效果个人就觉得唔太理想。首先，龙脷柳都喺香煎嘅最好食，依家只喺似煮腍咗嘅鱼肉，紫菜亦抢走啲鱼味；意大利饭同样有偏腍嘅问题，无晒咬口嘅特性，反而个南瓜酱带点姜味几得意，但如姜味再强啲就更有个性，依家姜味未免隐约啲。
炭烧日本活性水饲猪鞍 $248主菜嘅猪鞍就非常有质素，好讨好嘅一道菜式，店员上菜时仲介绍俾我哋知款猪鞍重点喺猪只以矿泉水饲养，曾记得以前晌旺角一家餐厅食过依类猪鞍，生熟度可以好似煎牛扒咁，唔需全熟，五乘喺最好添，不过店方为免客人太担心过生，一般做到七乘。炭烧出嚟嘅效果令外观好靓仔，的确，切开一睇，色泽好粉嫩，入口肉质颇嫩滑，带点爽口嘅感觉，而且甚富肉汁，唔使沾任何汁酱已好好食。顺提一带，配菜已见心思，车厘茄焗过，更浓缩酸香，法边豆以黑椒轻炒，变得更惹味。
炭烧日本活性水饲猪鞍
$248
6 浏览
1 赞好
0 留言
综合整晚嘅餐厅体验，头盘及小食颇有惊喜，大菜类则好坏参半。今餐贵在有食蚝，所以如果唔食蚝，人头消费会晌三百蚊楼下。招呼方面非常好，斟水、换碟好到位，店员亦非常有礼，最有印象喺店员嘅一句话，当佢送餐或斟水后，我讲句「唔该」，佢回句「应该嘅」，今时今日，有啲侍应连基本礼貌都无呀！
张贴
