影片
更多
2014-11-24
1885 浏览
年头时候同朋友黎食过Gin Sai的 蟹餐，大家都觉得唔错，上两星期大家讲开不约而同决定今次再黎食，结果都冇令我地失望。今次的蟹餐记忆上好似同上次有啲唔同，前菜presentation好大阵象，小木架上放上凉拌的wasabi jelly毛蟹肉，上面有海胆，底下有菜，而厨师好有心机用冰盛住个木架仔，keep住冰凉感觉。我地最欣赏的系wasabi 啫哩但唔刺鼻，清新得黎能吊出蟹肉的甜味，令成道菜好好美味。而蟹肉同海胆都好足料，放到成个木架满晒 ><。之后黎个热的鳕场蟹茶碗蒸，虽然菜式普通，但蒸蛋都好软滑，面头加两条蟹肉，不过不失！烧鳕场蟹脚卖相好精美，远远上菜时已嗅到香气。我地好奇问侍应果一条放在蟹脚上面系咩，原来系炸香了的稻穗，食落米通感觉很像，好似pop corn咁好香好好食。而蟹脚烧起之后唔会太干身，好鲜甜，蟹脚很粗，唔似出面果啲咁「瘦」。好开心宜家仲有咁真材实料的餐厅。呢度的天妇罗逐件炸该件出，制作好认真，每件蟹肉天妇罗都新鲜滚热辣，唔会放入口之后成口油。而且我好喜欢佢其中一件紫苏叶包住蟹肉，紫藓叶叶香同蟹肉好夹，非常之清新，但又唔会盖过蟹本身个甜味，正正正！我地好
今次的蟹餐记忆上好似同上次有啲唔同，前菜presentation好大阵象，小木架上放上凉拌的wasabi jelly毛蟹肉，上面有海胆，底下有菜，而厨师好有心机用冰盛住个木架仔，keep住冰凉感觉。我地最欣赏的系wasabi 啫哩但唔刺鼻，清新得黎能吊出蟹肉的甜味，令成道菜好好美味。而蟹肉同海胆都好足料，放到成个木架满晒 ><。
之后黎个热的鳕场蟹茶碗蒸，虽然菜式普通，但蒸蛋都好软滑，面头加两条蟹肉，不过不失！
烧鳕场蟹脚卖相好精美，远远上菜时已嗅到香气。我地好奇问侍应果一条放在蟹脚上面系咩，原来系炸香了的稻穗，食落米通感觉很像，好似pop corn咁好香好好食。而蟹脚烧起之后唔会太干身，好鲜甜，蟹脚很粗，唔似出面果啲咁「瘦」。好开心宜家仲有咁真材实料的餐厅。
呢度的天妇罗逐件炸该件出，制作好认真，每件蟹肉天妇罗都新鲜滚热辣，唔会放入口之后成口油。而且我好喜欢佢其中一件紫苏叶包住蟹肉，紫藓叶叶香同蟹肉好夹，非常之清新，但又唔会盖过蟹本身个甜味，正正正！
我地好奇上网查八寸点解，原来系杂锦咁解，呢个名系的碓冇改错，一大盘丰富又色彩班烂的蟹杂锦，成盘共三种蟹，两人份量即共有六碟一同上，画面好壮观呀! 我地不断哗哗哗！三道菜分别系香箱蟹盖醋啫喱、鳕场蟹柿沙律同埋松叶蟹浸春菊。三款菜式有唔同风味：香箱蟹盖醋啫喱是酸酸的，鳕场蟹柿沙律是甜甜的，松叶蟹浸春菊是清淡的。我建议系食左松叶蟹浸春菊先再食香箱蟹盖酢喱啫，最后先食鳕场蟹柿沙律。因为应该系由最淡味的一道开始食，咁先唔会抢味。最后三款食晒款款都好独特好好味，喺第二地方食唔到。
到Hotpot主菜打，呢度将份量控制得唔错，配菜多数系好新鲜的蔬菜，好好衬托出个蟹脚，又唔洗等好耐就滚熟。而且煮蟹锅个过程原来系好认真的，先煮咩、后落咩都好有学问。蟹脚份量都ok多，最爱点酸汁食好清新，用埋黎点蔬菜都好正 (可能我钟意酸酸的)。食完蟹锅就真正饱饱lu!
甜品系类似个大菜糕，但系深啡半透明好烟韧，配上金箔个颜色配搭真系好靓，周边的黑糖汁好香甜但又唔会太浓。简单卖相矜贵，用黎做蟹宴的总结是最好不过。
张贴
