影片
更多
2018-08-16
137 浏览
「莆田」呢个名听过好多次，米芝莲一星既新加坡福建菜，食就第一次食。7点几去到有少量座位，都几多家庭去食。装潢设计几新颖，以蓝色同木做配搭，光线几舒服。我地2个人叫左4个菜式：1. 冰爽酒糟蛏子：排得好整齐，大约有16只，名副其实系又冰又爽，酒味唔会过重，辟左蛏子腥味，又带出到佢既鲜甜。2. 铁板盐焗蛏子：个人认为呢个制法比头先既冰爽酒糟蛏子更鲜甜、更好味！用左干花椒调味，个底铺满粗盐，热辣辣用铁板上，食落更滋味。3. 百秒黄花鱼：条鱼整得岩岩好熟，肉好嫩滑，鲜味十足，个鱼汤有好多姜粒用黎去腥味，摆盘亦好靓，将条鱼开边方便易食，连原本唔太好鱼既男朋友都赞好味，应该好多骨胶原，对皮肤好。4. 兴化米粉：用左超级多料黎炒既超幼米粉，材料包括：五花腩丝、虾仁、白菜、紫菜、花生、豆卜、冬菇、芹菜、蚬，所以个米粉吸晒d料既味，食落齿甲留香，如果有少少汁应该仲好味。前菜有个萝卜头，好爽口。侍应仲为我地拣左菊花杞子茶，饮落好清香，又有清肝明目既效用。总结：呢餐食得好满足，2个人食会太饱，建议可以同家人一齐去食。
7点几去到有少量座位，都几多家庭去食。
装潢设计几新颖，以蓝色同木做配搭，光线几舒服。
我地2个人叫左4个菜式：
1. 冰爽酒糟蛏子：排得好整齐，大约有16只，名副其实系又冰又爽，酒味唔会过重，辟左蛏子腥味，又带出到佢既鲜甜。
2. 铁板盐焗蛏子：个人认为呢个制法比头先既冰爽酒糟蛏子更鲜甜、更好味！用左干花椒调味，个底铺满粗盐，热辣辣用铁板上，食落更滋味。
3. 百秒黄花鱼：条鱼整得岩岩好熟，肉好嫩滑，鲜味十足，个鱼汤有好多姜粒用黎去腥味，摆盘亦好靓，将条鱼开边方便易食，连原本唔太好鱼既男朋友都赞好味，应该好多骨胶原，对皮肤好。
4. 兴化米粉：用左超级多料黎炒既超幼米粉，材料包括：五花腩丝、虾仁、白菜、紫菜、花生、豆卜、冬菇、芹菜、蚬，所以个米粉吸晒d料既味，食落齿甲留香，如果有少少汁应该仲好味。
前菜有个萝卜头，好爽口。
侍应仲为我地拣左菊花杞子茶，饮落好清香，又有清肝明目既效用。
总结：呢餐食得好满足，2个人食会太饱，建议可以同家人一齐去食。
张贴
