彤 (已結業)

妈妈生日🎂同佢去试下新野，食啲佢又未食过的野，订左枱去去尖沙咀金马伦道33号The Cameron 1楼102号舖的一间叫《彤》的餐厅吃饭庆祝。吞拿鱼酱油渍寿司，呢件寿司好豪华。用左紫苏，赤身，中拖罗，萝卜，大葱做成鱼生卷，再放系寿司饭上面。睇得出师傅的用心同巧手，仲满足左客人的胃口。北海道产鳕鱼白子，做咗岩盐嘅盐烧好creamy既口感，大厨将白子烧到表面微焦，所以食到有咸香味。白子的油脂感比较重，所以怕油腻的，可以加柠檬汁一齐食，口感会比较清爽。日本花咲蟹土佐啫喱，酸酸甜甜，呢道菜颜色红彤彤好靓，啖啖蟹肉入口，酸酸甜甜的啫喱入口即溶，变左花咲蟹的酱汁，仲配左少少咸鲜的鱼子酱，口感更丰富，酸酸甜甜好开胃，令花咲蟹鲜味更特出。大蚬面豉汤，鲜甜的大蚬配上咸咸地的面豉汤，好饮呀！