客家人

营业中

休息中

原来客家人由太子搬左黎长沙湾，餐厅面积仲大左~虽然餐厅叫左“客家人”，但其实除左传统特式客家菜之外，午市都有唔少选择，仲有扒餐、港式炒粉面、秘制汤皇饭，放lunch时间黎到当然多人，但好在舖头位置阔落，所以坐得好舒服! 由于选择困难症发作，经过老板介绍过后，终于决定左叫个汤饭，同事就选择干炒牛河!秘制汤皇饭 （$49）可以拣2款𩠌，另外有时菜配白饭!汤底注明不含味精猪骨鲜鱼汤底 （饮晒成碗汤都无口渴架!）我拣左猪肉丸/鲜牛肉/皮蛋 （加𩠌$9）~除左汤底抵赞，我想讲呢度既配料每款都好新鲜，猪肉丸必试! 皮蛋系溏皮蛋好香口，好有住家菜妈妈既感觉干炒牛河（$52）系咁多款港式炒粉面之中，老板指明推介，share同事一碗仔，果然够晒获气，用上幼身河粉，牛肉嫩口新鲜，份量十足! 再捞埋辣椒酱就一绝P.S.呢度服务态度好好，老板娘好用心介绍菜单 （完全唔系hardsell既感觉）!材料实在，真心食汤饭好过食味精米线!