魚米家魚湯米線 (已結業)

决定今年圣诞节正日唔食西餐，因为实在太唔抵，所以平平淡淡睇完戏来鱼米家食饭。圣诞正日，八点几，今晚铺头无乜客人，我估去晒食圣诞大餐。我地反而乐得清静。由于琴晚去剧扒食左劲多肉，今日我同男友都想食番多啲菜，咁岩鱼米家竟然有纯蔬菜既饭餐，我地对眼简直系发晒光！好喇介绍番个饭先。佢个鱼汤，其实都预左有少少味精架喇，如果无，佢都大大只字标榜话无添家味精啦系咪😂咁佢杂菜有七种菜：小棠，蕃茄，金针菇，冬菇，娃娃菜，粟米粒，西芹！听到系咪哇哇声先！佢种类多不但止，仲要份量好够！菜份量又多，饭份量又多，我系中上大食既女仔都食剩一半饭！（利申：我食量拍得住一般男仔，平时大份茶餐厅炒粉面饭我一个人都食得晒）我今次都食剩半碗😱😱😱所以真系份量好多！圣诞节无加价都只系47蚊碗。另外，我个碗饭就无莞茜，得葱。唔知其他人系咪。我都饮唔到个汤有莞茜味，所以怕莞茜味既人都岩食！如果连葱都唔要，可叫佢走青架！