天勝

营业中

休息中

又系铜锣湾揾食既时候，同朋友行街，黎到呢间正宗日本料理餐厅，午餐即选择都算几多下。我仲见到隔离个日本人食好丰富既咖哩饭，吸引度十足！佢唔同午餐配既前菜都唔同，我就拣左什锦鱼生饭，胜在乜都有！前菜系麻酱沙律同蒸蛋。蒸蛋卖相滑就唔再讲，但料都惊喜，有北海道蟹柳肉，果种鲜甜味真系抵挡不住❤️主角黎啦！每件刺身都好有光泽，有八种，仲要每一件都大大件，啖啖肉，真系唔可以睇少佢既份量，女仔可以要求少饭。其实食晒啲配料都已经好满足。但系佢哋既寿司饭比出面既偏酸，所以令人越食越开胃。本身钟意食偏酸既朋友就岩晒👍🏼