Nunu燒 (已結業)

今晚和同事中环做完嘢，佢话上次食过呢间Nunu烧既lunch觉得不错，所以今晚带埋我去dinner 。Nunu烧位于中环一条小巷和安里中，2边舖位，以居酒屋来说座位不算少，而且干净整齐，坐得舒服。今晚好幸运，师傅说今天啱啱到左几条新鲜鱼，特别推介伊左目鱼给我们，问了价钱原来都只是$350原条，即㓥，咁抵我们一定唔可以错过la!伊佐目鱼虽然是白身鱼，但鱼味香浓，鲜甜，肉质软腍，部份近鱼皮的位置比较烟靱和爽口，蘸埋师傅秘制酸汁，酸酸地好开胃和惹味。同场加映送埋D大大粒，卜卜脆的三文鱼籽，咸咸鲜鲜，正呀！火炙左口鱼边($48) 炙过的左口鱼边油脂好丰富，入口即溶，滑不溜口。油甘鱼腩(3切/$78)厚切，油脂非常丰富，爽脆鲜甜，非常美味。牡丹虾($58/只)肉质弹牙嫩滑，虾头仲有好多膏，好甘甜。葱吞拿鱼蓉手卷($48/pc)吞拿鱼蓉份量劲多，食到底仲食到鱼蓉，吞拿鱼蓉鱼味浓郁，幼细香滑，口感软嫩，还有大量的葱丝和芝麻，紫菜亦很脆口，口感丰富。鱼骨面豉汤($20)将伊左目鱼的鱼头和鱼身熬汤，再加入面豉，汤头有鱼的鲜，亦有面豉的甜味，正！