黑木亭居酒屋 (金馬倫道)

朋友知道我钟意食居酒屋，所以今次就带咗我嚟黑木亭食饭，餐厅无论门口定楼梯都布满日本色彩嘅摆设。起初以为好细间会好迫，最估唔到餐厅原来都几大，座位非常宽敞一啲都唔局促。食物选择非常多，而且部份菜式非常有创意，例如黑糖啤酒拉面、火焰鹅肝和牛青苹果卷等等，不过身为海鲜爱好者嘅我，就比波士顿龙虾吸引到我。波士顿龙虾可以二选一食法，食海鲜当然食刺身最原汁原味，另外再加 $99 蚊追加龙虾芝士日式火锅泡饭，龙虾肉非常新鲜鲜甜，肉质细腻而且富有弹性，配捚芥末同豉油食简直无得顶超级正 😍 食完刺身后侍应就好快送上火锅，将龙虾头、虾钳、虾尾同饭一齐煮，等饭吸收晒浓郁嘅龙虾汤汁，再系临食之前倒埋芝士，虽然好肥好邪恶，但系真系好鬼正。饺子超正，鸡皮炸得非常脆口但一啲都唔油腻，做餐前小食或者送酒一流。呢个卷物几有创意，用咗肉松、牛蒡、青瓜、鳗鱼、炸虾等等，咸香嘅肉松，配搭香脆嘅炸虾同爽口嘅青瓜，口感层次当相丰富，估唔到可以咁 Match。