泰.夯蝦 (諾士佛臺) (已結業)

我超级超级钟意食海鲜，特别系虾，见到网上介绍流水虾，即刻Book 位黎食泰.夯虾 位于尖沙咀诺士佛台1号1楼，任食2.5小时，星期一至四7点前离座$298，星期五至日，公众假期$348，价钱合理，一个人食左20只大头虾都已经回晒本。餐厅仲送上宫崎和牛，鲍鱼。餐厅有3条流水道，每条流水道都装满满满既大头虾，真系好壮观，而且只只都劲生猛，一夹上黎就系咁弹弹弹。先去流水道夹大头虾，再放入冰筒冰晕佢地，晕左之后，就放上炉烧，但有时未够晕都会弹下弹下，好过隐。老板超级亲民，佢会去每张枱同客倾计，仲会亲自教我地，点整得快又可以食到野，因为开头我地唔识，超忙，真系冇时间食野，不停夹虾，冰晕，再烧，不停重覆以个动作。大头虾真系好鲜味，好多膏，加盐烧真系一流，我食过最好食既大头虾就系以到食到。除左大头虾，自助区都有不少食物，有3款海鲜，海鲜都好新鲜另外仲有熟食、关东煮、蛋挞、炸物、迷你心太软，烧卖、台湾肠、甜品，超多款BBQ食物，因为今日主要食我至爱既海鲜，所以只系食左小小熟食。饮品除左纸包同罐装，仲有花茶、咖啡、柯华田。甜品波波雪糕球，有劲多味。