金牌源記 (已結業)

上网无意中见到有人推介金牌源记，咁就一于去试吓啦！当日系星期六晚，book左位，去到唔使点等位。点完餐，就有茶树菇汤，开头以为只系味精汤，点知饮落非常之鲜味，感觉好足料！点餐嘅时候，有啲菜式可以选择调味，有啲就可以选择海鲜切嘅方法，例如鲍鱼可以选择原只或者介两刀。用餐嘅时候会有侍应帮手控制蒸海鲜嘅时间，同埋分菜。而个人最喜欢，蒜蓉粉丝蒸海鲜(龙虾、扇贝、圣子)啲海鲜好弹牙好新鲜，唔会话好梅。呢个系蒸墨鱼，上面淋咗酸梅汁。初时骤眼望上去以为全部都系墨鱼，点知原来白色做底𠮶啲系肠粉🤣🤣🤣食到尾声，仲有个海鲜饭，已经太饱食唔落了。但好彩有得打包！唔会嘥野。完晒成个海鲜餐，仲有滋润嘅木瓜雪耳糖水。