影片
更多
2020-11-25
104 浏览
约咗个朋友食饭，佢揸车带我去食呢间喺新田购物城嘅蒸气海鲜，叫醉辣鲜。本身我哋两个都钟意蒸气海鲜，因为原汁原味，而且健康。呢度揸车入去都几方便，有充足嘅车位，而且车位就喺食嘢嘅地方不远处。呢间蒸气火锅，几有特色㗎，同一般𠮶啲做蒸气火锅嘅酒楼唔同，设计较年青，好似有少少酒吧嘅感觉，假期时仲会有live band㗎，气氛应该会好好。 呢间餐厅有几个水缸养住龙虾、虾、蟹等等嘅海鲜。我哋一人叫咗一个龙虾套餐 (一位HKD268)，加埋会有一只 龙虾同一只蟹，可以自己去水缸度捉，又几有创意㖞，可以捉自己想食𠮶一只。拣好之后就交畀店员处理，然后我地就开始蒸蔬菜同埋鸡件先。呢度仲有老火汤同埋温泉蛋㗎，前菜都唔马虎㗎又几好食。个蒸鸡有少少酒香，腌得好好味，鸡肉嫩滑。虽然呢度主打海鲜，但系个鸡绝对唔差㗎。 蔬菜新鲜而且干净企理，估唔到蒸海鲜都有咁多蔬菜拣，仲有我钟意食嘅粟米、金菇同埋冬菇呀，蔬菜蒸完一样咁好食，就系因为食到佢嘅鲜甜嘅原味。好快就到食海鲜嘅时间! 侍应将一大盘海鲜送上， 个阵容好鼎盛呀! 望到就觉得好丰富。 呢度有晒全部嘢食所需要蒸嘅时间参考，差唔多时间𠮶啲可以一齐蒸。跟住佢蒸嘅嘢食全部都好
本身我哋两个都钟意蒸气海鲜，因为原汁原味，而且健康。呢度揸车入去都几方便，有充足嘅车位，而且车位就喺食嘢嘅地方不远处。
呢间蒸气火锅，几有特色㗎，同一般𠮶啲做蒸气火锅嘅酒楼唔同，设计较年青，好似有少少酒吧嘅感觉，假期时仲会有live band㗎，气氛应该会好好。
呢间餐厅有几个水缸养住龙虾、虾、蟹等等嘅海鲜。
我哋一人叫咗一个龙虾套餐 (一位HKD268)，加埋会有一只 龙虾同一只蟹，可以自己去水缸度捉，又几有创意㖞，可以捉自己想食𠮶一只。
拣好之后就交畀店员处理，然后我地就开始蒸蔬菜同埋鸡件先。
呢度仲有老火汤同埋温泉蛋㗎，前菜都唔马虎㗎又几好食。
个蒸鸡有少少酒香，腌得好好味，鸡肉嫩滑。虽然呢度主打海鲜，但系个鸡绝对唔差㗎。
蔬菜新鲜而且干净企理，估唔到蒸海鲜都有咁多蔬菜拣，仲有我钟意食嘅粟米、金菇同埋冬菇呀，蔬菜蒸完一样咁好食，就系因为食到佢嘅鲜甜嘅原味。
好快就到食海鲜嘅时间! 侍应将一大盘海鲜送上， 个阵容好鼎盛呀! 望到就觉得好丰富。
呢度有晒全部嘢食所需要蒸嘅时间参考，差唔多时间𠮶啲可以一齐蒸。跟住佢蒸嘅嘢食全部都好好食，啱啱好。
我哋首先蒸咗个龙虾同埋蟹先。个龙虾好新鲜，切开咗都仲有少少郁。
虽然个龙虾我哋每人只有半只，但系都好够食，因为本身都几大只，半只都有啖啖肉嘅感觉好满足， 而且仲有啲膏都几香，肉质爽口弹牙，好正 。
只蟹都几好食，蟹肉嫩滑又有膏，其实每人半只都啱啱好，我哋钟意试多啲款式嘅海鲜。
下一样我哋蒸蚝同埋虾。只蚝唔细只，蚝肉鲜甜 。虾就爽口弹牙。
之后我哋蒸沙白。数量都几多㗎，食得好满足，啲肉都几滑，而且冇沙。全部嘅沙白都有打开晒壳，冇一只系死㗎。 有几只沙白会要蒸耐少少，如果见未打开，可以逐分钟加落去试下，然后就会有更多嘅沙白开壳㗎啦。
扇贝每人一只，肉质鲜甜美味。
圣子大大只，而且一啲都唔韧，又甜又好食，食得好满足。
鲍鱼每只份量唔细只，啖啖肉，有弹性，有嚼劲但又唔韧，好好味。
食完海鲜系时候食粥。呢个粥除咗吸收咗头先蒸嘅嘢食嘅精华，佢本身仲有芋头同南瓜等等嘅材料，个粥清清地又带轻轻嘅甜味，我哋每人都食咗几碗。
食海鲜，啲食材新鲜又靓嘅话，真系就咁蒸唔使加调味料，就已经好好食，原汁原味咁净系食个食材本身嘅味道，呢样我同朋友都好钟意。 而且用蒸呢个烹调方式，除了健康，亦都唔会觉得“溜“，可以食多几款添。
呢度都几啱倾计㗎，想喺度叹下海鲜吹下水，会 系个唔错嘅选择。
张贴
