K-Palace

营业中

休息中

酱油蟹专员又再出动啦！今次俾我揾到一间平靓正，真系好开心！带大家嚟到红磡黄埔天地附近呢度，劲近地铁站随时来食都得啦！呢度正宗韩国人主理，除咗有驰名嘅酱油蟹饭，当然唔少得炸鸡啦！炸鸡我哋拣咗无骨半半炸鸡，一次过食原味及甜酸味！呢度嘅酱油蟹可以选择叫一只或者两只，价钱好优惠，一只都系百几蚊，而且仲会送紫菜牛油饭，一人一只食到饱饱！而且蟹肉非常多膏，金黄色嘅蟹膏配芝麻真系好香口，传统嘅食法系将蟹肉唧唧冰咁唧落啲紫菜饭度一齐食！咁样食系最可以突出到蟹肉嘅鲜甜㗎！食无骨炸鸡最爽梗系食到啖啖肉口感，又唔使吐骨咁麻烦！啱啱炸起口感真系特别香脆！原味就有少少盐香，甜酸味自然就系酸酸甜甜咁啦，而个人就认为有酱汁𠮶边食起嚟好似好味啲！