寿司部

营业中

休息中

前排去奥海城做嘢就顺道去大角咀寿司部食lunch ，menu里头有好多唔同类型嘅寿司，我点咗必食嘅三文鱼肥腩底、剑鱼腩、原只甘海老、原只北海道带子、皇帝蟹棒、盐烧左口鱼边、加拿大海胆、同埋一份烧鳗鱼手卷。 入面环境唔系好大，主力都系做外卖为主，但系老板就非常用心介绍食物嘅种类，同埋佢哋嘅寿司系即叫即做 绝对新鲜，我点解每一款寿司都肥美可口，同埋好有鲜味，特别推介三文鱼肥腩底寿司同埋海胆寿司，真系会食到停唔到口。 而佢哋另一招牌菜系杂锦海鲜薄饼饭，入面材料十足同经过盐烧处理，所以特别香及可口，最紧要价钱贴地所以我都买咗一份返屋企慢慢食。其实呢度都系相距奥运港铁站7、8分钟路程，如果下次去奥海城我一定会再嚟试佢嘅寿司。