海記魚蛋粥麵

营业中

休息中

今次去马鞍山海记鱼蛋粥面食晚饭，因为知道呢度啲粥品同粉面都好出名。今次叫咗鱼蛋粉，同埋见呢度d蒸鱼饭都多选择，就叫咗个豉汁鲩鱼，另外喺老板介绍下试咗佢哋新出品龙虾粥。先讲鱼蛋粉一贯上佳水准，鱼蛋弹牙、鱼片爽口、汤底好味，食几多次都唔会厌。而豉汁鲩鱼就超新鲜，同埋嚿鲩鱼好大嚿，捞埋豉汁配饭食绝对食到停唔到口。最后要讲嘅系龙虾粥，之前真系未食过龙虾粥，估唔到原来真系咁好味，因为系原只本地龙虾仔放落去煲， 龙虾膏加埋啲粥食真系鲜味满满，而且个粥煲得好眠，龙虾肉又超弹牙超新鲜，绝对令我一试难忘。