大煲皇煮廚 (已結業)

晚上念唔到食咩，唔紧要，打边边系一年365日都适合的野食。之前已一直好想黎呢间试下，个名好霸气──大煲皇。但一直无人陪我黎食，伤心中…今日有阿肥黎同我食，坐底立即送上d花生小食，并送上酱料，基本酒楼必备既火锅酱料都有，算系咁啦！叫左个冬瓜瑶柱翅群鸡锅，有只鸡，又有冬瓜，又有翅，最面头仲有三粒大大粒既瑶柱，好重本哦！鸡就一定系冰鲜架啦，但沾上自己沟既混酱，都好好食。滚紧既同时，叫左三文鱼腩刺身一磅，好似系98蚊。三文鱼腩刺身好滑，肥美，鱼味浓，好正。双拼饺大大只，涵料丰满，但皮略厚。同埋叫左美国牛，睇落虽然无咩肥位，但牛味也不错。滚滚下d冬瓜都已熟透，吸收哂d汤汁既精华，又淋又鲜甜，正！菜分别叫左糖生菜同白菜仔，白菜仔好新鲜，洗干净左，无沙泥。糖生菜都好新鲜，但有几块个叶尾部黑左。食完饱饱返屋企。