九重鮮 (已結業)

啱啱同几个朋友去完日本旅行，呢日我哋再集合，当然要再食好西啦，朋友话食海鲜，于是就试吓呢个韩式海鲜塔，我都系第一次试，果然有惊喜。今次我哋拣嘅系首尔塔，配搭人参鸡汤底！首尔塔好高啊！人参鸡汤底，未开始蒸嘅样！顺便一提，侍应服务好好，好细心讲解点样食用，所以唔使惊唔识搞啲海鲜。而且仲会因应时令，帮你改咗菜单，好似今次咁，因为啲虾同北寄贝唔够新鲜，所以转左和牛同埋花尾龙趸指天翅。最顶层系和牛，蒸得刚刚好，仲有少少粉红色，用泡菜萝卜卷着食，又系另一种风味，唔错！第二层系圣子同埋象拔蚌，两样都好大只，食落口劲鲜甜，又够弹牙爽口，真系好新鲜。第三层系元贝，入面啲海鲜汤汁好好味，元贝蒸到啱啱好，唔会太老，又系好好味。跟住系花尾龙趸，一啲都唔腥，啲肉好嫩滑，我本身唔钟意食鱼，但都觉得好好味。之后就系升一级嘅花尾龙趸指天翅，呢个部位系更加好食，因为有好多骨胶原更加滑，啱晒女士食。第六层系海花蟹，一打开已经吓亲，因为好大只蟹。揭开个蟹盖仲惊喜，因为有好多蟹膏，而且好多蟹肉，啲肉又够实净同鲜甜，啖啖肉。跟住就系厚切黑椒牛脷，大花蛤，开头唔睇好牛脷，觉得会好韧，但原来咬落好林，花蛤就好鲜甜。跟住就系鲍鱼，我