阿爺八鮮鍋 (已結業)

鲜味真系令人难以抗拒， 净系听呢间舖头名已经知道， 你将会揾到你想要嘅答案。呢度基本上都系火锅放题，首先一轮鸡煲，之后就进入主题-- 海鲜火锅。鸡煲嘅鸡件都算鲜嫩， 辣度可因应自己程度自由选择。火锅头轮会送每人半只波士顿龙虾， 之后仲有超多海鲜任食， 例如花胶，鲍鱼， 濑尿虾，海中虾 ，带子， 泥鯭， 蛏子同埋花蟹。最深刻都系泥鯭， 佢帮你去走内脏之后仲识喐㗎！除咗海鲜， 其他配料例如 安格斯牛肉都非常高质， 绝对对得住招牌上面个鲜字！价钱都算系几公道， 任食嚟讲都算几抵。