火鍋頭

营业中

休息中

天气突然又冻，即刻去揾间打边炉食下。常日去九龙城都经过，但一直都未食过，今次就决定去试下「火锅头」😋因为食海鲜就决定要个清啲嘅汤，招牌花胶冬菇浓鸡汤👍🏻个汤好足料啊入边有冬瓜、津白、虫草花、花胶、半只鸡！一煲滚已经闻到好香鸡汤味，一定要未落野食前饮下个汤。入面花胶都几多，真材实料！风沙豆腐小食打边炉我好钟意食海鲜，特别系靓海鲜，所以就叫咗海鲜拼盘，有波士顿龙虾🦞海虾、贵妃蚌、南非鲍鱼，带子。全部都好鲜甜，好大只。龙虾仲要系新鲜即时㓥㗎！入面好多肉，肉质白嫩，好弹牙，甘甘甜甜。南非鲍鱼，鲍鱼味浓郁，而且厚肉爽口。全部海鲜我都建议原汁原味咁食，唔使点豉油㗎！另外叫左手打粒粒墨鱼丸🦑鲜虾丸、响铃。两款丸都好爽口弹牙，大大粒。打边炉咁热气梗系要饮，佢地自家鲜茅根竹庶，唔甜，清热一流。