令酒場 (已結業)

听到政府要禁日本多个地区嘅海产，于是乎我就赶系禁令前食番餐日本菜。今次就嚟到中环嘅日式餐厅《令酒场》，串烧、刺身、丼饭、烧物款式都好多，心思思乜都想试下。三文鱼亲子丼$168讲到食丼饭，一定唔少得我最爱嘅三文鱼。肥美又有光泽嘅三文鱼，配上粒粒晶凝通透嘅三文鱼子，加少少酱油同埋芥末一齐食就已经perfect。月见火山牛丼 $238食完鱼生丼，我又想食番啲熟食。依款堆到火山咁高嘅牛丼就啱哂我啦。首先视觉效果一流，食之前轻轻用匙羹碰一下月见，睇住啲蛋浆流落嚟真系好似火山一样。牛肉粉嫩又半生熟，充满肉味又有酱汁嘅甜味。原条池鱼 $298店员推介依款时令原条刺身，原条池鱼真系好震撼。一片片淡红色又透明嘅池鱼刺身，配搭酸汁一齐食会突显鱼肉嘅鲜甜。椒盐左口鱼边 $58左口鱼边烧到香脆，加上椒盐调味咸咸地，𩠌饭同𩠌酒一样好食。另外午市套餐仲可以选择多款串烧，性价比真系好高。