影片
更多
2017-11-13
232 浏览
系旺角行完街就系附近揾下地方开餐, 行下行下就比呢个窗口吸引住 : 生鲔, 大渔, 海老, 鲑, 云丹, 蟹...............同友人不禁互望一下就知大家脑谂紧咩3分钟后我地就上到去呢个门口餐厅环境以浅木作装潢主题, 一贯日式餐厅布局, 中间挂上一幅鲜艳旗帜写住"大渔", 都知道以海产作卖点侍应送上餐牌及热茶, 相片吸引住我的视线, 呢度主打系食海产丼,价钱由百几蚊至三百几, 丼既款式都算多款, 我同友人都要花点时间去选择...HEE.......HEE.......想再加多D刺身? 无问题!呢度除左丼之外, 仲有小食供应, 每款都系几十蚊就有交易, 叫多几款都唔肉痛友人系吞拿鱼控, 呢一客飞天黑鲔大满贯丼 ($298)就相当岩佢食, 每个丼都包埋一个面豉汤呢个黑鲔大满贯丼包括大拖罗, 中拖罗, 赤身及鱼腩蓉鱼肉颜色鲜明吸引, 每片都有一定厚度, 食起上黎都相当有口感, 大拖罗肥美嫩滑, 咬下去系口腔感到香滑油香感, 但又唔会太过肥腻; 中拖罗味甜腍滑; 鱼腩蓉更有鱼肉味! 附有紫菜, 可以用黎先包住食, 紫菜既脆感同鱼肉既嫩滑感, 又有另一种和谐食法!我就叫左呢客甜虾海鲜丼
3分钟后我地就上到去呢个门口
餐厅环境以浅木作装潢主题, 一贯日式餐厅布局, 中间挂上一幅鲜艳旗帜写住"大渔", 都知道以海产作卖点
侍应送上餐牌及热茶, 相片吸引住我的视线, 呢度主打系食海产丼,价钱由百几蚊至三百几, 丼既款式都算多款, 我同友人都要花点时间去选择...HEE.......HEE.......
想再加多D刺身? 无问题!
呢度除左丼之外, 仲有小食供应, 每款都系几十蚊就有交易, 叫多几款都唔肉痛
友人系吞拿鱼控, 呢一客飞天黑鲔大满贯丼 ($298)就相当岩佢食, 每个丼都包埋一个面豉汤
飞天黑鲔大满贯丼
22 浏览
0 赞好
0 留言
呢个黑鲔大满贯丼包括大拖罗, 中拖罗, 赤身及鱼腩蓉
鱼肉颜色鲜明吸引, 每片都有一定厚度, 食起上黎都相当有口感, 大拖罗肥美嫩滑, 咬下去系口腔感到香滑油香感, 但又唔会太过肥腻; 中拖罗味甜腍滑; 鱼腩蓉更有鱼肉味! 附有紫菜, 可以用黎先包住食, 紫菜既脆感同鱼肉既嫩滑感, 又有另一种和谐食法!
我就叫左呢客甜虾海鲜丼 ($148), 亦都有面豉汤
甜虾海鲜丼
10 浏览
0 赞好
0 留言
食材包括三文鱼, 甜虾及松叶蟹, 甜虾当然味鲜甜, 都唔细只, 一口食晒相当满足; 松叶蟹味甜但肉质偏硬身少少; 三文鱼就一贯味道, 惊喜感欠缺
侍应建议先饮附送既面豉汤, 份量都几大碗, 先饮一啖觉几鲜甜, 原来有埋鱼肉一齐煮, 唔怪之得好味D
9 浏览
0 赞好
0 留言
呢度既芥辣系磨出黎, 辛辣程度劲过坊间其他食店用开既开粉及膏状, 几刺激; 另外唔能够唔讲另一主角白饭, 饭粒食落几烟韧, 夹起黎食都唔会散开, 个人黎讲几钟意
只食丼又点够呀? 女仔当然多心想食下其他野啦, 呢客咁靓仔既自家制明太子蛋卷($38), 上枱时热辣辣, D烟系咁飘出黎, 当然要趁热食啦, 蛋味道带甜, 中间有明太子既爽脆感, 口感味道各有不同, 但夹埋一齐又几夹㖞!
自家制明太子蛋卷
12 浏览
0 赞好
0 留言
呢客盐烧鲔鱼鲛 ($128)绝对唔可以错过, 份量都唔细, 即叫即烧, 烧到皮脆肉嫩, 而且鱼鲛位都几多肉, 点上附上既特式酱汁, 系好好味架
盐烧鲔鱼鲛
14 浏览
0 赞好
0 留言
侍应不时主动加茶, 饮啖茶, 食下丼, 冷饭与热茶之间, 味鲜......................大满足!
张贴
