回憶客棧

营业中

休息中

听闻长沙湾开咗间食花甲粉同串烧嘅小店，而其花甲粉相当好评。今日就一于去品尝品尝佢嘅美食。天公不作美，小店指今日攞唔到靓花蟹，所以少咗个选择，而且串烧要下午6点后先供应，所以拣咗招牌花甲粉同埋花甲鲜虾粉。葱、芫茜同辣度可以自行选择。今次就点咗清汤招牌花甲粉同小辣花甲鲜虾粉。虽然亦可加配蔬菜、丸类、肉肠，但为咗试佢哋嘅原美道，所以就无加配其他食材。大约5-10分钟，两煲花甲粉就已经烹调好。一打开个锡纸，花甲嘅香味即时扑鼻而出。两煲花甲粉内嘅花甲都有好多好大只，花甲鲜虾粉既鲜虾亦好大只。汤底非常之鲜味，淡淡海鲜嘅鲜甜味道，清汤固然之好味，而小辣则令汤更加惹味。花甲同大虾都好新鲜。粉丝份量都几足，食到尾，饮埋啲汤都几饱下，依个价钱真系够哂抵食。喺食紧嘅时候，亦有唔少顾客嚟买外卖走。除咗美味，依个价钱可以食到咁鲜甜嘅海鲜，确实唔错。下次要再嚟试下今日食唔到嘅花甲花蟹煲先得。