豪園麵家

营业中

休息中

虽然黄大仙南馆北馆都有好多食肆， 但还是走到现崇山商场的「豪园面家」享受吓悠闲下午茶。喜欢这里有些户外座位， 感觉开扬较舒服。平日下昼五点，时间有啲尴尬， 还好下午茶和晚餐也同时提供～ 选择好多很有弹性。装修过卡位很阔坐得舒服～听讲这里的晚市小炒非常出名， 就拣了「咸鱼鸡粒豆腐煲」$88。 每款小菜都奉送白饭和送完即止嘅例汤。 例汤好足料， 有莲藕和整粒嘅栗子， 非常润喉！豆腐煲热辣辣， 逼出咸鱼的香气，好吸引！豆腐略炸， 和咸香嘅酱汁，鸡粒伴匀非常惹味～ 整体味道唔错又唔会太咸～干烧伊面下午茶$50算几有镬气 ， 味道调教得啱啱好， 但不够干身。饮品升级为特饮加$6推介「柠茶bb」～ 可以唔使笃柠檬即刻饮嘅冻鲜柠茶。味道好浓郁， 够酸又够茶味 。 蚝仔粥$40/碗差啲嗌错咗一锅～好在店员重覆确认 一次😍冇落胡椒粉蚝仔肉和汤都唔腥， 味道好鲜好有蚝味， 份量劲多蚝仔肉都算大只㖞！😍 喜欢他的方鱼块极重鱼味， 非常美味的蚝仔粥！红豆冰$23唔算好甜， 红豆蓉香滑，如果多返啲椰汁就perfect! 食物，饮品味道出品唔错， 特别是蚝仔粥非常回味。