Le Port Parfumé (已結業)

大肥爸爸不甚爱吃西餐，故大食会聚餐大多为中餐。周四晚因大肥要出席会议，会友就相约一试会长推介咗好几次o既「Le Port Parfumé」。位于九如坊o既法国餐馆楼底极高，光线柔和，半开放式o既门面开扬通爽，大堂装修成一个大客厅咁，感觉轻松自在。饭局有九人之多，为怕即场点选食物会引起混乱，算系半个熟客o既会长就预先同年轻友善o既经理哥哥安排好菜单。Pork Terrine, Duck Rillette, Bayonne Ham, Saucisson（$280）：第一道拼盘含四款冻肉，分别为猪肉酱冻、鸭肉酱、巴约纳火腿、及法国香肠干。巴约纳火腿同法国香肠干均切得够薄，味道同为香浓，前者柔润唔咸，后者味重而半带脆口，各有特色。猪肉酱冻边边层肥膏虽则未必为最健康之选，但要连埋食先会觉得个肉酱香润。意外地，小碗中o既鸭肉酱一啲都唔嚡口，咸点拼盘送酒实在一流！Hokkaido Scallop Omelette：正因带子奄列连煎镬上，热力十分强劲，煎蛋部份有少少过熟，食落就觉得老咗啲，加上馅料中唔系好够带子，令𩠌菜更为逊色。Clams a la Plancha（$260）：同样以锅上o既白酒煮蚬喺