鯛魚魚湯專門店 (已結業)

去到鲗鱼涌个头收工，见到个名好似几过瘾就入去试下。铺头都系日本式居酒屋装修，好似去左日本咁。入到黎当然要order佢既鲷鱼汤，见到有推介日本带子三文鱼籽汤饭，就落左一个，再决定食豪d加埋个鲍鱼同花胶。个汤饭上枱既时候仲会有个火去热住佢，望落去非常丰富，几粒大带子摆系面头，再加上一堆大大粒三文鱼籽系度。事不宜迟饮啖汤试下先，个汤好鲜甜好有鱼味。个三文鱼籽咬爆既咸味同个汤有鲜明对比但系好夹，鲍鱼好弹牙有咬口，成个汤饭份量十足，食完饱到震。朋友就叫左个皇帝蟹脚海胆汤饭，材料已经够矜贵，个汤饭好岩用黎打卡晒命。蟹脚大大只已经帮你开埋壳，好轻松就成旧肉拎出黎，试左啖好鲜甜。海胆亦都好新鲜，同个汤好夹。