迷湯肉骨茶專門店

营业中

休息中

鲗鱼涌有唔少食肉骨茶既食肆，又或者打住海鲜喇沙旗号作招徕嘅餐厅，每间都各有特式，早前同同事试过隔离既娘惹小馆子，喇沙味道唔错。今次再同同事试下呢间迷汤，睇下佢既肉骨茶同喇沙质素又如何。迷汤店子小小，只卖肉骨茶、喇沙、海南鸡饭，款式唔多，专心做好一件事。海鲜喇沙有新鲜嘅咖哩叶，入口偏重咖哩香，椰汁份量唔算太多，味道都几辣，重口味人士会啱。汤身较稀，不过浓郁，惟饮多两啖汤会口渴，略嫌少少咸。不过大虾质素唔错，入口弹牙，而且搣咗壳，相对方便。蛳蚶亦都已拆肉，食落鲜甜，如果生啲就更好。面系用米粉同油面两掺，份量足够。同事就叫咗肉骨茶，药材味浓，排骨煮得好淋，不过略嫌多少少肥肉， 但系药材汤嘅味道非常好饮，加埋豆卜好索味，几好。