熾工房 (已結業)

入到长洲除咗食海鲜，仲有好多选择嘅。如果嫌连锁店D炸鸡干争争，呢间绝对同佢哋一定唔同。净系讲环境都已经赢啦，间铺环境好舒服，感觉好休闲 ，而且佢套餐嘅价钱同kfc比都系差唔多价。蒜香柠檬烤鸡套餐$50烤鸡食落去啲肉汁必晒出嚟，仲一路食一路流。食到少少柠檬味，不过蒜香可以再加重啲。 比kfc𠮶啲鸡嚟讲，呢度鸡肉嫩滑啲，冇咁干争争，同埋好重鸡味。而且佢嘅薯条系粗身薯条，唔似得m记𠮶幼身薯条。热辣辣啱啱炸起，你食得到入面系溶溶地热辣辣，同埋佢份量都算多，所以食完个薯条都饱左一半，另外再试埋佢个蘑菇饭。白汁蘑菇饭$18平时喺kfc食蘑菇饭叫佢多汁都好似冇乜汁，呢度唔使讲成个面都已经系白汁，同埋蘑菇嘅份量都好多。捞匀啲饭嚟食，食落去每一啖都好似饮紧忌廉蘑菇汤咁，似食紧一个烩饭😂 好creamy，好浓郁。个饭十八蚊抵到烂啦。