亞來麵檔

营业中

休息中

北区行完山，下午四点几出到上水石湖墟，好多店舖都中场休息。行行下去到新成街，见有间车仔面就入去医肚。店内装修系一般茶餐厅，墙上有好多食物相。唔知点解，睇完就觉得样样都想食😆。首先叫咗鲜油多加奶，厚厚一片冰凉鲜牛油，充满奶香同埋淡淡盐味，加埋多到漏练奶，超级搭配，又超级邪恶，食每一啖多士，都要喺健康同美味之间苦苦挣扎一番😅。另外叫咗蒜香辣皮蛋，虽然皮蛋无溏心，但配搭入味蒜蓉，非常惹味。再加埋芫茜一齐食，带出清新感受，同时展现出层次味道👍。炸虾饼一碟四件，外脆内嫩，鲜味弹牙又热气😄，最啱饮返个椰青解一解。店舖仍用怀旧车仔面点𩠌纸👍。一般车仔面配𩠌都有，最少要点两𩠌。我碗咖哩汁粗面配响铃同埋鱼片头，响铃因为上枱时已放入碗汤内浸住一半，结果影完相先食就太软绵了😅。鱼片头有三件，朋友叫了沙嗲汁粗面配水饺和腩片。